art amazigh


 
AccueilAccueil  PortailPortail  S'enregistrerS'enregistrer  ConnexionConnexion  

Partagez | 
 

 Şivan Perwer: amarir, amedyaz d ameghnas akurdi ameqran

Voir le sujet précédent Voir le sujet suivant Aller en bas 
AuteurMessage
amasine



Messages : 51
Date d'inscription : 22/08/2010

MessageSujet: Şivan Perwer: amarir, amedyaz d ameghnas akurdi ameqran    Sam 4 Sep - 10:49

Talalit :
Ilul Ismail Aygün lli ittuyssanen s Şivan Perwer g w-ass n 23 dujanbir 1955 g Siverek g temnaḍt n Urfa illan g ugens n iwutta n tmurt n Ṭurkya.
Şivan Perwer (Ameksa amag°dal) iga assagh akurdi lli isti Ismail Aygün ad ig isem nes anaẓur, ig fella-s tugga mas ra-d ig ameksa lli ra-d irar ixef s tussna d tmagit Takurdit zeg uccanen n tillas.

Asag°em anaẓur :
Ar-d ittag°em Şivan Perwer g ughbalu n taysi n ugherf Akurdi, imun d tgharast n Dengbêj (Rwayes ikurdiyen) lli ittmuddun zeg uduwwar s uduwwar g tmurt n Kurdistan; drun amareg, tallasin d uẓawan d ugdud nsen. Ar ikkat Şivan imiss n uẓawan Akurdi "Saz" ; nufa ad nini mas-d Amzad (Ribab) dar Imazighen iga zund "Saz" dar Ikurdiyen.

G umezwaru n tebrida nes tanaẓurt, irir Şivan Perwer izlan n tayri, tadukli, tag°mat, tiffugna d tudert. Ur issen Şivan is ra-d ig amarir axatar, ig amazan n ugherf Akurdi tizi lli g issenta tighri n tusnakt gh tesdawit n Anqara, mac tudert teḥḍa y as yat tebrat lli-d iqan ad telkem asayes amaḍlan.

Anaẓur arugi :
Ifegh Şivan Perwer Ṭurkya tizi lli g as tsutulen uṣkayen n tenbaḍt Taṭurkit ad as gin tak°mamt d isekraf, d ad t ssekcemn tiserfin n tillas lli kcemn wi-d d ti-d yullen ixef nnan nga Ikurdiyen d ra-d nsawal tutlayt negh Takurdit. Zeg tizi lli g iffugh Ṭurkya g usegg°as n 1975, tusi tayyught n uzwag Şivan Perwer, yasi awed netta tabrat n ugherf akurdi ad st isselkem i y ugherf amaḍlan, yals as tammara d tkerrayt issuteln i y umadan nes. Zeg usegg°as an ad ikkes Şivan timelsin n umarir aklaṣik iles tin umarir arugi, at ittirir iseqsiten n tmagit, tilelli, azeḍḍum, tillawt d imal n Ikudiyen d Kurdistan. Terẓem as tmurt n Aliman tiggura nes, ar itekka timizar n Uṛupa yasi tabrat n ayt dares, ig amazan n Kurdistan g umaḍal.
G tmurt n Fransa, irir izli n Ḥelebce (Halabja), issekti-d askerḍ amaḍlan n 1988, issekti-d igh°zniwen, idbidamen d idwarul lli inghan azzan d uwessar, tameṭṭut d urgaz s isem n Tiεεurba d s ifasen n isalmaden nes. Mac, immut w-agh°zen iqama-d w-arraw n Kurdistan isul, yall ixef s igenwan am isek n udrar.

Izlan :
Ikka Şivan Perwer g iger n umareg d uẓawan uggar n 30 n usegg°as, issufegh-d ma-d yutin 20 n tessfift, yameẓ tuget n tsemghurin timaḍlanin n uẓawan, ig amazan adelsan n Kurdistan.
G izli n Kîne Em ? (Ma-d nga ?) ar itini :
Ma-d nga ? / Kîne Em ?
Ikurdiyen n Kurdistan / Gelê Kurdistan
Tagrawla d ubuṛkan itbeṛbuṛen / ŞoreŞ û volqan
Nga y akk° adinamit / Tev dînamêt in
Afa d integg°igen… / Agir û pêt in…

G izli n Warê me (Akal negh) ar itini :
Tamazirt inu a y ad
Nettat agh nlul
Ukern agh tt
Is sul illa yan umalu ?
Is sul illa yan ughrab ?
Ad fella-s nsur…

Ar ass ad, irba ukan sul Şivan Perwer tagg°at n unezgum Akurdi, ar ittwarga s w-ass lli g ra-d yaghul s tmurt n ayt dares.

Amawal :
Şivan Perwer : Ameksa amag°dal (le berger protecteur)
Tusnakt : Mathématique

Aghbalu :
http://www.sivan-perwer.com/
http://www.nuitsatypiques.org/daqui_stat/perwerd.htm (Amagrad s Tfransist)
http://www.kurdishherald.com/issue/002/article04.php (Amagrad s Tnglizt)

Revenir en haut Aller en bas
amasine



Messages : 51
Date d'inscription : 22/08/2010

MessageSujet: Re: Şivan Perwer: amarir, amedyaz d ameghnas akurdi ameqran    Dim 5 Sep - 10:55

Azul a y ayt art Amazigh,

Tanemmirt nek a gwma Zalhoud.
Agdud an lli tannit iga ghar Ikurdiyen n (Kurdistan Làiraq), amma Ikurdiyen n Turkya ur yufa ad disen inyalkam acku ur yufa ad sers ikcem.
Max, lli gh sawelgh f unaZur ad axatar? Acku lli gh ssfeldegh i uZawan nes, ghergh timedyazin nes d imik f tudert nes d tabrat nes, tebbi tasa nu d iDer-d fella yan useqsi. Is sul ur tufa tmeTTut Tamazight ad taru yan zund anaw ad gh irgazen d imariren? Yah, ikkat-en Lounes Matoub yusi tabrat d unezgum Amazigh, mac tamazirt n "Amur n Akuc" ur yufa w-akal nes ad issemghi yan umarir zund Şivan Perwer. Is ur ufa udrar d uzaghar n Souss ad ssemghin yan umarir, yan Rrayes zund Şivan Perwer? Ar sawalegh ghid f imariren d Rrwayes ur-d imedyazen negh-d imeghnasen.

Ufigh ad inigh (ittigil w-awal ad f umegerD inu), mas-d tameTTut Tamazight n Souss turu zund anaw ad lli yufan ad ismun agdud, yasi tabrat nes, mac tella ghin kra n tmukrist ur ssengh mad tga.
Rad fkegh sin imedyaten lli s nnigh nek ufad adelli ad gin zund Şivan Perwer d Lounes Matoub:
Albensir d Iggut Abdelhadi.
Mac aseqsi igat: ma-d tga tmukrist an lli ten ur isselkemn s uswir an d ma-d igan asrag?
Iz-d tighri (le niveau intellectuel)
Iz-d tasertit n iseggwasen n uldun (les années de plomb)
Iz-d agdud war afrak...
Wi-d gan iseqsiten, igh illa ma-d yufan ad ifek tannayt nes...

Tanemmirt
Ar timlilit...
Amasine.



Revenir en haut Aller en bas
 
Şivan Perwer: amarir, amedyaz d ameghnas akurdi ameqran
Voir le sujet précédent Voir le sujet suivant Revenir en haut 
Page 1 sur 1
 Sujets similaires
-
» Jumeaux - Ivan Reitman 1989
» No Comment d'Ivan Brun
» [Tourgueniev, Ivan Serguei] Le journal d' un homme de trop
» Lestat [DOD Ivan] Petits clichés -p19-
» REIS IVAN

Permission de ce forum:Vous ne pouvez pas répondre aux sujets dans ce forum
art amazigh :: Culture et Patrimoine Amazigh :: Musique, Chants Amazigh-
Sauter vers: