art amazigh


 
AccueilAccueil  PortailPortail  S'enregistrerS'enregistrer  ConnexionConnexion  

Partagez | 
 

 Dadda Amazigh

Voir le sujet précédent Voir le sujet suivant Aller en bas 
AuteurMessage
amasine



Messages : 51
Date d'inscription : 22/08/2010

MessageSujet: Dadda Amazigh   Jeu 18 Nov - 11:57

Dadda amazigh
Mqar-k ur ẓrigh
Righ ad ak inigh
Max, tejlit akal ?
Tget afus gh ufus
N garafgan
Tasset ixef nek s izakaren
Asafu, usin-t gar ifasen
Tget asen amawas
Tget isek°fal
Ar ser-k lkkemn, awettas
Win-sen, ur-d win-k
Ad gan

Dadda amazigh
Mqar-k ur ẓrigh
Righ ad ak inigh
Max, tejlit awal ?
Tkerft iles nek
Tget as, tigusin n usged
Terbut awal n wi-yaḍ
Tget i bab nsen isemg
Ar asen tinit
Gan ag°erram
Ar asen tkkerzet
Igran n w-awal
Yasi tayafut
Tasit tammara
Tfelt igran nek
Ar ten sgharen ussan
Ksen g-isen uccanen

Dadda amazigh
Tusset ixef nek s izakaren
Arun izakaren
Tarwa d w-ayyawen
Irin ad agh kerfen
Gin agh taglult
Ad nut tazzgunt
Gh tillas n tuttut

Uhu, a dadda amazigh
Uhu nit iquren
Ad ak t inigh
Abrid nek
Ad d-is bbigh
Nekk, ra-d bbigh izakaren
Utegh s ifaren n tilelli
Utegh s umadir d usemmawed
Kerzegh, igran n w-awal nek
S w-awullu n tirra
Gzigh iḍerfan
S tg°ersa n usekkil
Zzrigh ser-sen
Isura n tussna
Fergegh ten s izerfan
G°delgh ten f imakern
D imezzan

Dadda amazigh
Nekk, ayyaw nek
Kkusigh akal nek
Kkusigh awal nek
Neg, bab nes

Dadda amazigh
Nekk, ur sul righ tag°mat n wi-yaḍ
Righ tinew
Nekk, ur sul righ awal n wi-yaḍ
Righ winew
Ur sul righ tafukt n iminig
Nekk, righ tin dar negh
Ur sul righ, tassast n izakaren
D tabbayt n iẓuran
Nekk, righ izenẓaren n tilelli
Isufa n timmuzgha d ufrak
Ad nghegh tillas n tinnuzgha
Bbigh izakaren n tissumga.

Amasine
Ass : 08/11/2010
Revenir en haut Aller en bas
 
Dadda Amazigh
Voir le sujet précédent Voir le sujet suivant Revenir en haut 
Page 1 sur 1
 Sujets similaires
-
» Nouvel an Amazigh - YENNAYER.
» [JEUX] Création libre
» (AIDE) probléme sonnerie htc touch hd
» Timbre Assegas Amegaz
» [AIDE] taille police sms et nombre de caractère

Permission de ce forum:Vous ne pouvez pas répondre aux sujets dans ce forum
art amazigh :: Culture et Patrimoine Amazigh :: Poésie-
Sauter vers: