art amazigh


 
AccueilAccueil  PortailPortail  S'enregistrerS'enregistrer  ConnexionConnexion  

Partagez | 
 

 azz ull (i ull n tagugt)

Voir le sujet précédent Voir le sujet suivant Aller en bas 
AuteurMessage
Reqia Tanirt Touw



Messages : 258
Date d'inscription : 04/06/2008
Localisation : safi

MessageSujet: azz ull (i ull n tagugt)   Lun 23 Juin - 20:01

azz ull


azz ull negh aggug
ur ad nafud igh
ur nmun
tamunt ur tli s ccil
ay assmmun
nurg igdam
i tussuft
ur nesmammi
ur nergagi
is ka nunzgh ixef
i y urtum
nini i tudert ifdi
n yuda
igh ka gim nsul
kwti d a winu tafukt
n tinwudc
igh tsergz ulawn
nummer...nzmummg..
swwurid ussfan
n tafsut
ajig umlil
d ufus g ufus
manzan tayri n
war igwtan?
tgwriwin n tawngimt
d usmammi f itran?
negh is gan zund
ussfan
ar fetun..nudun
d umezruy
azz ull negh aggug
taggugt n igenwan
f ikalen
zzi d taddart ad
mdel ikwtayn
ur ad smittiwnt tittawin
f tawargit n uzal
f imik n tumert
nemdit..ndrut igdam
nfrut ghass ad
azz ull a winu
negh aggug.

tanirt
Revenir en haut Aller en bas
itrinit
Modérateur
Modérateur


Messages : 441
Date d'inscription : 18/05/2008
Localisation : Agadir

MessageSujet: Re: azz ull (i ull n tagugt)   Mar 24 Juin - 16:09

ur ad smittiwnt tittawin
f tawargit n uzal
f imik n tumert
nemdit..ndrut igdam
nfrut ghass ad
azz ull a winu
negh aggug.


tanmirt a ultma f tmdiyazt ad ifulkin. ssusmn iyyi bahra iwaliwn ns. menck n tghawsiwin ayyid sktin iwaliwn ad.
inna yas sidi Hammu Talb: yan innan tayri ur athouwwal, ad as tili gh ifr n tmmurghi tagwi akal.
is nit iHerra ujenwi n tayri yan sers ittutn; matta ghwalli sul as innan:
icqqa wink, ighnn sers tgit afus ifelk
ur serk igiwr, ur ak nnan allayhennik.

rad iSber yan ard irmi, mac ghiklli s nit dagh inna sidi hemmu talb:
"yan iSbern i gar asmun, tadallit ad ruran"
ard ittacka tizi, lligh rad ibid yan mnid n wins, innays:
azz ull a winu
negh aggug


tanmirt nm a ultma.
Revenir en haut Aller en bas
Invité
Invité



MessageSujet: Re: azz ull (i ull n tagugt)   Mar 24 Juin - 21:12

Surprised


Dernière édition par Zalhoud le Mar 6 Sep - 3:32, édité 1 fois
Revenir en haut Aller en bas
Reqia Tanirt Touw



Messages : 258
Date d'inscription : 04/06/2008
Localisation : safi

MessageSujet: Re: azz ull (i ull n tagugt)   Ven 27 Juin - 3:14

itrinit a écrit:
ur ad smittiwnt tittawin
f tawargit n uzal
f imik n tumert
nemdit..ndrut igdam
nfrut ghass ad
azz ull a winu
negh aggug.


tanmirt a ultma f tmdiyazt ad ifulkin. ssusmn iyyi bahra iwaliwn ns. menck n tghawsiwin ayyid sktin iwaliwn ad.
inna yas sidi Hammu Talb: yan innan tayri ur athouwwal, ad as tili gh ifr n tmmurghi tagwi akal.
is nit iHerra ujenwi n tayri yan sers ittutn; matta ghwalli sul as innan:
icqqa wink, ighnn sers tgit afus ifelk
ur serk igiwr, ur ak nnan allayhennik.

rad iSber yan ard irmi, mac ghiklli s nit dagh inna sidi hemmu talb:
"yan iSbern i gar asmun, tadallit ad ruran"
ard ittacka tizi, lligh rad ibid yan mnid n wins, innays:
azz ull a winu
negh aggug


tanmirt nm a ultma.



Azul gwma

Tanemmirt attas f awalnk ighudan tnnit f tmadyazt ad !!ghkelli k bahra snimmirgh f mad tiwit zegh tigwrwin dusnnin li yagh feln imedyazn zwarnin lanin atig meqqurn g umezruy n tmadyazt tamazight !
I rad lqemgh yat tnaddamt innat ( benyahya mohammed )

Tuger tayri n uzwnekd i rami rssas I gh asen
Idawwer leàdu ilwer sdiq ifel t en I lghwbayn
Tagwr lmuhibba rssas ikkan taghenjawt
Yuger ighk ifel wink igh ak iàma izeri nk lol!

Ifdi n tanemmirt gwmanu
Revenir en haut Aller en bas
Reqia Tanirt Touw



Messages : 258
Date d'inscription : 04/06/2008
Localisation : safi

MessageSujet: Re: azz ull (i ull n tagugt)   Ven 27 Juin - 3:16

Azul agellid n imedyazn

Tanemmirt gwmanu zalhoud, iga dari adur ameqran lighk tsusm tamdyazt ad !!!
Hihihihihi ull idusn ur ad fllas tekk takat n tayri ,igh akw ibri iqqand ad ijji illes timlsit n tumert ig wayyad!!! Igh ur tlli tayri n tidt ,yuf I ull ayg ussuf war tayri war asemmun !!!

Tanemmirt amedyaz n tamazgha d umadal !!
Revenir en haut Aller en bas
itrinit
Modérateur
Modérateur


Messages : 441
Date d'inscription : 18/05/2008
Localisation : Agadir

MessageSujet: Re: azz ull (i ull n tagugt)   Ven 27 Juin - 17:08

Tanmirt nm a ultma war-assagh.
Tanmirt f iwaliwn ad n unddam Benyahya Mohmmad llid telqemt :

Tuger tayri n uzwnekd i rami rssas i gh asen
idawwer leàdu ilwer sdiq ifel ten i lghwbayn
Tagwr lmuhibba rssas ikkan taghenjawt
Yuger igh k ifel wink igh ak iàma izeri nk


Haqqan is kullu smun iwaliwn ad mas nra adt nenna.
smnuDigh ul inu gh taDût mllulen, rzzefght s ufus ihnnan i wada righ, yasit yutt sers taghrat, yakwin art ittams d wakal s tbachilin llusnin,
ibjert, ibzert, ijdert, imzert, imzit, imerght gh wakal, d tallaght, d umddouz.
Nigh akud, ikut ul inu is ra sull izDîr ad isul,
nasit, nsmnuDût dagh gh taDût mllulen, ar as nkka asafar, ar as ntkwummad abrray, ar njijji itersan.

Surf iyyi ighd dagh usigh a ultma kra n iwaliwn tennitn :
ull idusn ur ad fllas tekk takat n tayri ,igh akw ibri iqqand ad ijji illes timlsit n tumert ig wayyad!!! Igh ur tlli tayri n tidt ,yuf I ull ayg ussuf war tayri war asemmun !!!

tghwzant a ultma,
ull idusn ur ad fllas tekk takat n tayri
----------~-------------~-----~--------------~---------------

ighd nucka ad ngher tamdiyazt nm, yat tighri yadnin
igh trit ad asd nek yat tghwmert inteln.
is tzDâr matengh Tamazight ad tenna yan wass i tarwa ns :
Az ul negh aggoug

ighnn nugga amzruy negh, arn nttafa, tamazgha tbidd bdda f idârn ns, iyyih id hinna ar ukan TTâr, mach ar tnekker s telmifat.
Manza tigherma lli ttin adelli kullu ikkan, tin iferâawn, igrikin, iromanin, … ddant, urd sul gisent ighama abla kran ighwerban lli yaghd isktayn is ttin adelli kkan, is adelli ghid zrin.
Tamazight nttan tlla bdda, tlla ukan sul, rabdda tili ….
Urd amazigh ast isbidden, nttat kad izdarn ad tbidd.
Rad inigh zrin gh tudert n Tmazgha, imazighen lli izdarn ad ikf atig i Tmazight, mach tugt n imazighen ur kullu gan ghikan, tugtt nsn icîD mammu gisn yudd baghrar (ghiklli s tennit gh tallast nm a ultma).
----------~-------------~-----~--------------~---------------

Aseqsi inu :
is ur attannaym is telkem tizi lligh rad tg tamazight taghwuyyit, attenna i umazigh n ass ad,
Amazigh ad lli yakw sul ur issen tutlayt ns
Amazigh lli ka gis idtssan,
Amazigh ad lli ka gis igwmern azemz,
Amazigh lli issudan tamazight, ar inzzel s isegni, ar itghawal ad ilkm aflla n uggug,

Is tenna, nighd is yad tnna, nighd is ra kka tnna tmazight :

azz ull
azz ull negh aggug
ur ad nafud igh
ur nmun
tamunt ur tli s ccil
ay assmmun
nurg igdam
i tussuft
ur nesmammi
ur nergagi
is ka nunzgh ixef
i y urtum
nini i tudert ifdi
n yuda
igh ka gim nsul
kwti d a winu tafukt
n tinwudc
igh tsergz ulawn
nummer...nzmummg..
swwurid ussfan
n tafsut
ajig umlil
d ufus g ufus
manzan tayri n
war igwtan?
tgwriwin n tawngimt
d usmammi f itran?
negh is gan zund
ussfan
ar fetun..nudun
d umezruy
azz ull negh aggug
taggugt n igenwan
f ikalen
zzi d taddart ad
mdel ikwtayn
ur ad smittiwnt tittawin
f tawargit n uzal
f imik n tumert
nemdit..ndrut igdam
nfrut ghass ad
azz ull a winu
negh aggug.

tanirt
----------~-------------~-----~--------------~---------------

Aseqsi yad urd kmmin a ultma as righ afllas irar, acku, ar itcqqu ayg yan amdiyaz ig anefran (critique), slawant akw lligh tga khtad tamdiyazt nm, rad nzer i silla marra dagh ikf kra n tannayt.
Tanmmirt nm ultma war-assagh
Tanmirt nnun aytma d istma.

----------~-------------~-----~--------------~---------------
Revenir en haut Aller en bas
taylalt



Messages : 215
Date d'inscription : 30/05/2008

MessageSujet: Re: azz ull (i ull n tagugt)   Dim 29 Juin - 0:46

Tanemmirt nm à ultma f tamedyazd ad d iwaliwn bahra fulkinin, ssusmnim!
Bonne contuniation ;

Taylalt
Revenir en haut Aller en bas
Reqia Tanirt Touw



Messages : 258
Date d'inscription : 04/06/2008
Localisation : safi

MessageSujet: Re: azz ull (i ull n tagugt)   Mer 2 Juil - 3:54

taylalt a écrit:
Tanemmirt nm à ultma f tamedyazd ad d iwaliwn bahra fulkinin, ssusmnim!
Bonne contuniation ;

Taylalt


azul ultma taylalt
arekm bahra snimmirgh f awalnm immimn!!
ifdi n tanemmirt
Revenir en haut Aller en bas
Contenu sponsorisé




MessageSujet: Re: azz ull (i ull n tagugt)   Aujourd'hui à 2:13

Revenir en haut Aller en bas
 
azz ull (i ull n tagugt)
Voir le sujet précédent Voir le sujet suivant Revenir en haut 
Page 1 sur 1

Permission de ce forum:Vous ne pouvez pas répondre aux sujets dans ce forum
art amazigh :: Culture et Patrimoine Amazigh :: Poésie-
Sauter vers: