art amazigh


 
AccueilAccueil  PortailPortail  S'enregistrerS'enregistrer  ConnexionConnexion  

Partagez | 
 

 ddmin: ayyid ur irar

Voir le sujet précédent Voir le sujet suivant Aller en bas 
AuteurMessage
itrinit
Modérateur
Modérateur


Messages : 441
Date d'inscription : 18/05/2008
Localisation : Agadir

MessageSujet: ddmin: ayyid ur irar   Ven 24 Juin - 1:26

.
.

mani d serk tkka tummvra a za3DuD ?

yura tt: Lahoucine MOURABIH


dmin dmin ayt ndi
tukr tmuccut udi
mammu tra udi
mas tzvur tibbaskarin ns

ikkattin g mad izrin, yan za3DuD ur igi zund iz3DaD, idd3a is ikks tukwziwin i izakkan, ikks tifssi i umarctkku, ikks accermD i insi. Ad is7an inna d ixf ns is nit iga Za3DuD i7arcn g isignitn.
ard itgwiz s usays g yat tagant, ar ittals tullisin d dminat i yan mennaw ivwyyal iZrirgn. artn i saDsa iv asn iskar tibidda n umksa lli mmu icca wuccn ulli,
niv taguni n mammas ivtt yut urgaz tgn bla imensi,  
artn isaDsa iv ivwi allun, ibbi v girru, iskr tikkunjlla, kraT s Darat d uggar av ann itsutul.
artn iSaDsa iv irqqs acamuc s wayyad, yamz nn isalasn s tmvilt, ityagald, aqllal taksart, ikwmznn vint iccan s magger n iDuDan, yakwid. iknu v mnid n ivwyyal, irar ifassen tivwurdin, ar itqql ar d as ukan utn recc, alsn as nit dav, yavwd nit tasawent, yall aqllal s ignna, ibbi v unfur, iqnn aln, ar ikkat idmarn s tukkimin, inna d : yuuuuuu yuuuuuu
ccan midden taDsa  mort de rire  mort de rire
myarnt ….
imyurnt …….
mac matt bahra issusumn nttan, iv asn iskar igiwr n umvar ijjawenn tilkskisin d frrrrrrrrr n watay. ad ukan iskkubbr yall aDar f wayyaD, iknunn s Darat ard isur f ivir afasi, isers afus azelmaD f u7bbuD, ar isbbaqqay iDuDan, ar ismussu tifnza, yaywa iserr7t i lkzdabbat d ibbizdi  immerksn d ilammn Zmanin Zwanin.
imik s imik, ard ittismument tullisin ns, iv ur nniv is ar d akw tmurslunt.
ard issigut g tduwwayt, g tbaslit,  g tfssi. afus urd a7bbuD kaft isrur, urd abuD ka ssul islay s melv tazlaft … ar as itffertal ufus, ist tssusm tummaZt  ….
aylli inna iDgam, yals as assad
aynna inna assad, kammu ra yyals azkka. Ur sul aDfuDent tadminin ….
tugt mad bdda iskar igiwr n umvar, ar ifttu aylliv as ikccd l7al is iga amvar. Ur t sul yumi usays, ur t tumi tagant. isvwi ivwuyyal, s hakkak, abdda ilin v usays; isbzziz fllasn av as ka sflidn, isvwi i tmvarin tavwrit, isvwi i irgazn abaqqis d ushurri.
issgut za3DuD v usvwi, d usbzziz, d ukwmmu.
tawkkast n l3arada, dvul d u7ccu, tirzi n wawal,  
ays7an ar tfttu tzamma n za3DuD aylliv tuma tagant, bidden ivwuyyal f yan uDar, macc iggammi yan gisn ay ssferv tawada, nivd ur sul izmmer yan gisn ad isawl, ar tn izzmaw umvar iv iskubbr.  
ar zrayn ussan … zrin waDan …
nnan illa mad sul is3aydn zv uzur n usays inna yas d : yudak, ffav abaraz.
Makwn yavn ? nkki is ka riv adawn gv amvar
manid serk tkka tummvra a za3DuD ?
igiwr lli bdda skarv av tt kkusiv. Macc uggar ad iyyi igan, ayyid ur irar …. zayd at ar d ukan tsvawsam s mad awn iskarn igiwr n umvar.

vin av tnin felv, artnin kkatv s iZran Smmanin, ar iyyid kkatn s tubbicin sxennin.

(Lahoucine MOURABIH)
Revenir en haut Aller en bas
 
ddmin: ayyid ur irar
Voir le sujet précédent Voir le sujet suivant Revenir en haut 
Page 1 sur 1

Permission de ce forum:Vous ne pouvez pas répondre aux sujets dans ce forum
art amazigh :: Culture et Patrimoine Amazigh :: Littérature/Linguistique-
Sauter vers: