art amazigh


 
AccueilAccueil  PortailPortail  S'enregistrerS'enregistrer  ConnexionConnexion  

Partagez | 
 

 kana d istt mas

Voir le sujet précédent Voir le sujet suivant Aller en bas 
AuteurMessage
itrinit
Modérateur
Modérateur


Messages : 441
Date d'inscription : 18/05/2008
Localisation : Agadir

MessageSujet: kana d istt mas   Sam 6 Sep - 17:44

Lund 1er octobre gh yan usgwas n yaggugn

tayelgi yad nit add ilkem usalmad negh.
asalmad llis adelli bdda ntqqel, yuckad sul, ilkem aghd s tamazirt, ilkem aghd s yan uduwwar yaggugn yaggugn bahra f tamdint n ugadir. Yan uduwwar yunfen, llin isguTTîn gh TûkeTT n yan udrar bahra bahra yattuyn.
ur sul illa mad ur yummern gh udwwar, is akw skern yan umussu gh usays, yat tamghra i urgaz ad lli ddarsen yuckan zgh tamdint, ad agh immal nekwni, id bi ibachiln hfanin, id war urZîyyn agh naqqra, ar nttara ta3rabt, d ight inna rbbi ra sul nissan htta tfransist.

Midd d llgha, midd d uhwac immerksen d taghwrit, htta ijja nayt lhus t7uc ghiyyiD ad, nttat lli yadelli igguln ur sar sul tkka asays zgh ass llight irgem 3li u3li s nDêm, ass lligh as inna : makem sul iran a taglla ass n l3id. acku nttan adelli irat, mac nttat urt itra tra iwis n buzalim, iwis n buzalim ntta ira illis n tjahoutt, illis n tjahoutt urn akw tgelb gh umedlus an igan iwis n buzalim, ar as ttini aghar sir a tazalimt, nttat wahli mafn tluh aln nes, … ayshan ghayn nesn inkhabbel, iga afus n waryal, ur sul tssent ma iran ula ma dur iran.
ar terkaz ijja nayt lhus gh usays kullu mad ila iD, tnna yasn gh nDêm : imbarkiyn anga llighd ka yucka urgaz ad ad isker irgazen gh imksawn n tmazirt. awa att iserbh rbbi.

abacil ghaneck n uzerg n mammas, afus zund lBâla llid yukr bousslam gh lminat n fransa, ahlig attennit is iga tikhibit gh ddu talqamijat ns, ijjukrrat aghar gh wakal, kra wwass ra ssul fllas yakwl. amggerd urt akw ila, aqellal itersn f ighariwen zund igherdm. Inkhar ghzzifen ayllighd kwnan zund aghenbu n lmeqraj, imma yadelli infurn ? menckk awa ad lan, lligh at ittannaygh iferd gh ughrum n ufarnu, wahq rbbi ard tennit izd ar3em n dda bihi a yan iksan gh uknari, ard issutul infurn gh urwass, ad ukkan ikk mad ikka itthid ils, isself sers imadd ikkan mnid nes, ghanckk lli tcetta tfunast n jeddi n walim gh imalas, ihelb murran urta yakw tenfassay lhdert …. ghikad ad adagh iga usalmad negh, a tennit iga bnadem, a tennit urt igi. zegh ass izwaren, kullu maghid illan ikSûtt, ar iZêmaw s wawal nes igwurzan, ar ismedudduy zund aggagn.

a suivre
Revenir en haut Aller en bas
itrinit
Modérateur
Modérateur


Messages : 441
Date d'inscription : 18/05/2008
Localisation : Agadir

MessageSujet: Re: kana d istt mas   Sam 6 Sep - 17:48

Jeudi 13 Octobre

ass ad ad igan wiss kradd mraw (13) n was f madd yucka usalmad s uduwwar. Tayelgi yad, ar agh isselmad tajerrumt : anna7wo s l3arabiya ta3rabt.

- itrinit !
biddgh nit
- n3am ass
- mada taf3lou kana wa akhawatouha ?

ismmuss kullu usalmad ighwurban n umesriy ula taduli ns llighd fella iluh aseqqsi s wawal ann ns igurzan. is iyyid helli yut s useqsi, jlunt iyyi yakw, ur tin akw tamgh.
maddagh teskar kana d istt mas ?!!! marrad awddi ssengh … ta3rabt han isnn helli dis n tab3a, yan mennaw waqqayn ka ggis nssen.

mqqard yan gh imehDaren ur issen afssay n useqsi yad, mqqard yan ur yull afus. Lah taqqurt lli nsn : ana ustad ana ustad ana ustad, ar ttazzaln ar ddawas. Fukku yat agh awi adawn ikf rbbi lmaraD. Walu, htta yan ur aytmussu, uggar n mayad, is aten ttannaygh ar kullu terkwassen, ar ittmuna s3id n bulmakina, ar ittmuna, ar ittmuna ar ittmuna ayllighd sul gis ur ighama yat, mrad izd ur talfuqqiyat an igan tawraght llid ilsa, urrat itzert. imma yadlli zinb umghar is tkcem ddu tbla, terkwsen gis. Nkkin rmigh mad swingimgh gh mad tskar Kana d ist mas !! ma yadelli tga kana ? ma tga … ma tga … ar siggilgh, ar siggilgh, walu madd ittasigh, ur felgh man taghwmmirt gh talmalekheft inu mqqar tennit tmezziy ur ttin uggigh, ar siggilgh ar siggilgh ar siggilgh lah mad ttafagh. Uhuy, urt ssengh, ur jjun illa ma fllas isaweln gh udwwar.

- itrinit ? … kan tsennaw ljawab ! … tifawt? …..zineb ? sa3id Y ? …
ar agh yaqqra usalmad yan s yan. Ar itqqel s ufssay llin imaTeln, yagwi add iffagh. aseqsi art ittagh umarg. ifssi n isemDal yuma amsriy. izi igh izri rad as tsfeltt. ur illi ma ssul itmussun, syafaghn s imzgan inu sunfan, ad tennit is tbidd tizi.

imikk ukan had yan iggig ibbaqqi, yat tghuyyit tekhri kullu ifssi lli, tzger amZZûgh ad inu ar ghwwad, reqqesgh aylligh nnigh isn isli ikhf inu isalasn. isd ukan lkemgh akal, amzgh nit tbla s sin ifassen, cbberght nit asul ur tfertel, Tamz iyyi tergagayt. Ar siggilgh makka ijran.

Of ! … Walu mad ijran, asalmad negh kad isaweln, is helli isawel …
is helli isawl Tamz agh tawda, is nnigh igh a iTTZî lkhir ad mani ra dagh yamu.

- Ur tsenm a legrabz mad teskar kana d istt mas ? ratt i tssenm ghila ghila. Al 3ouqouba !!!
iqqezz gigh yan imik, ar itqqel marra nsker, nekwni walu ma nefhem, innad nit :
- mada qolto ?
nrar asd nit s yat tsarut : al 3o qooo baaaa
tsDurDr kullu zinb n umghar imzgan inu, durtt ata, s imik fllam.
- hassan jiddan, kra igat yan add yara s tayelgi 100 n twalt : « ablouh koul ou louh, allah in3al oulad chleuh ».
mmh, izd ghayd aygan l3oqoba ?

a suivre
Revenir en haut Aller en bas
itrinit
Modérateur
Modérateur


Messages : 441
Date d'inscription : 18/05/2008
Localisation : Agadir

MessageSujet: Re: kana d istt mas   Sam 6 Sep - 17:50

tadgwat ad illa usmmiD, hati ktubr ayad, kran umermah, ar ikcem adagh ihfD rbbi ar ikhss, arn tsyafat s malkhf n ikhss iqqurn gh ugens n ikhss. giwergh gh tama n inkan gh u3ric, ar reqqagh. Tamuccut n jdda tgen gh tamanu, ar tshrurruy, ghikad dari i3zza agh as tsellagh zik sbah ighen tucka tgen f tawSaT, tama n ugayyu nu, ur akw asul ttirigh add nkkergh, righ ad as ka tsellagh. Waynni htta nttat arn tgawar ar kigh telkm tizi magh ad nkergh, tackin ar flla tshrurruy, izd ad nkergh, nighd ad gengh.
smaqqelghen gh tmuccut, tudden gh iDs ns, yuf amtt a hnna.

nkkin, tadawt ikwnan f tinfulin mellul nin, ar tent terchamgh, salagh tawwuri inu, ad inigh salagh l3oqoba inu.

urnn akw flla yaggug, baba nttan ar itehdar s yan wattesbih ittuyskaren gh waqqayn uZlîm n wargan. kra igat uzlîm nna izrin gh nger mdabbouz n tilkin (pouce) d malgh n ifeckan (index), s yan « la7oula wala9ouwata illa billah ». ar idde3u s lhess, tinfurin nes imik as tmussunt, a tennit izd is atent helli tslay trgagayt.
« la7oula wala9ouwata illa billah »
« la7oula wala9ouwata illa billah »
« la7oula wala9ouwata illa billah »

aqqayn n uzlim ar zrayn, yan ibbi gh yan, ur tnid yagh, delhin s igh dagh ssuteln, a tennit isnn gan chala manwa rann ihada melgh ifecka. Yan tinn ukan ilkemn, itthitin ghwwan n Dârat ns, itthinn ghwann ghwwan yaDnîn, kra ar ineffi wayyaD, urd yagh, annit isella i « la7oula wala9ouwata illa billah » s ighd nit iDer, ig as dagh tazzla, iderd i ifili, imun dagh dis tasawent, ar itghawal mdabbouz n tilkin.

ar isgniniw baba s lhil afadd ad iyyi ur ihul. ighal igellin isn ukan gDêgh gh tusna n tutlayt tagurramt n lquran l3aDîm, macc nkkin, s tidt, is ahelli tsuturgh i bab n igenwan ad in3el tarwa n ichelhay, innat usalmad, iqqand att skergh.

ar bdda swingimgh makh baba lligh dars i3zza aghd ittachka s tama nu ar gis ittals i id « la7oula wala9ouwata illa billah » nes tizi nnad iyyid ikfa usalmad inu tawwuri. izd is isen is ahelli ghid rggemgh tarwa n ichelhiyn ?

Wa ar bdda swingimgh makh, id hina, ar ittall imi ns, yadden gh kra n tgwuriwin, isur f kra uskkil gisent arkight ijjukrra, ukan ar dagh ittilih awal nes imik s imik, ar kigh as sul ur tsellagh. izd is immagh s tgharast ad nes ad isself, ar imhhi id « allah in3al oulad chleuhs » inu lli ukan ghid ttaragh kra igatt ass ? ur dari mad ttinigh, rbbi ka issen.

a suivre
Revenir en haut Aller en bas
itrinit
Modérateur
Modérateur


Messages : 441
Date d'inscription : 18/05/2008
Localisation : Agadir

MessageSujet: Re: kana d istt mas   Sam 6 Sep - 17:51

Lundi 25 janvier

ar zrayn ussan, ussan merwasen, zund ukan assfan, zund iD gam, zund ass ad, ghikan nit arrad ig uskka, ula naf askka … ar itgawar baba ar itkka ddu3a ns gh yat taghwmmirt, nkkin salagh ddu3a nu gh yat. irgen d ukccuD n wargan ar tbaqqayn gh inkan, tiwn gisen takat.

Baba art helli ittini, nkkin art ttinigh sul araght. iga mayad darengh tamyurt. ur as kkigh mani, kra igat ghiyyid, iqqand ad awzgh ar kigh kkigh lwird inu d nkkin, ssutergh i ugellid meqqurn sidi rbbi tabaraka wata3ala ad in3el tarwa n ichelhin.

ad ggalgh tagallit inu mqqurn a mayad lli skargh ar flla iga bezziz, han urd s lahwat inu. Han ight ur skergh, sengh mayyid iqqan, rad iyyi chbehn, lfalaqa wama adraka malfalaqa llis ayttini usalmad. Yan mezziyn, ad isti nger ad idd3u nighd att chbhen, hann urrad irZ ikhf nes s iswingimn, yuf agh idd3u ; igh a ttinin willi zrinin : « yuf yan mmu smun yan mmu d3an », nkkin tizi yan ar ttinigh : yuf yan id3an, ula art smunan»

a suivre
Revenir en haut Aller en bas
itrinit
Modérateur
Modérateur


Messages : 441
Date d'inscription : 18/05/2008
Localisation : Agadir

MessageSujet: Re: kana d istt mas   Sam 6 Sep - 17:54

Jeudi 2 février

smmus iyyirn ayd izrin, ghikad awa ittazzal uzemz … mani ka ira … arn yad swingimgh gh ussan n usenfu n tardrar, sersghen yad alln inu f wass n 20 mars, mraw n ussan n igiwr, ad inigh win tazla, acku ur aghd akw sul ittagh ussan an. hayyagh igh ngwumer ikwbar gh tagant, timalliwin gh taghzut, illa magh helli nzug gh nger tumzin gh igran. ar ttannaygh illis n khalti tifawt igh tga mrim n igran f uDâD tiniy as : ffarri ffarri a mrim n igran, tmelt iyyi mani s rad ntahel. maghtt akw tiwi mrim n igran gh illis n khalti. hina tffarri s s iffus, hina izzelmD, hina tghwli aghar d ignna ilihtt. managwu itt3zzun dar tifawt, tizi nna tffarri mrim n igran, tsker mnid n tgemmi negh, ar iyyid ittini :
- tasga yad as rad tahelgh, ikut tigmmi n mit aggid illan, ikut matta ghwann mmu gigh tins.
- hiyya amaDun ayan rakkm yawi ?
amadun, iwis n idkhali nit ad iga, is helli nttan igellin inufl, tumzt adelli yat tmadunt, tsengarat d anli ns. ar iyyid sul ttini tifawt aghar:
- sir adak ikf rbbi ghikan nnit.
tzayd nit ar dagh tsiggil mrim n igran ad as tmel mani s rad tahel.
ar ttimimn ussan an gh tmazirt.

- itrinit ? … ktebti l3ou9ouba liyoum ?
- uhuy ass !
- u3lach ?
- rmigh ass mad ukan ghin tserrahgh lle3nat i tarwa n ichelhin, wah kaygat tadgwatt, ggulgh ass ur asn sul ten3algh.
issakwid nit allen, issaghwd aDâD s mnid inu, ar iyyid ittenta3, ig taghwuyyit :
- asi ajjbir nk, tffaght flla.
ibbi lhess gh umsriy, adden kullu derrit i ikhf. ar t3ejjabn, art smuqqulgh, ur sul sengh marrad skargh, gllebgh ghmkad, gllebgh ghmkad, ur illa mad itmussun, ghinn agh sengh safi ist skergh. lkemgh gis ghilli gh att iffal ugzzar. man agzzar ? agzzar ar as ba3da iqqers, imma nkkin ist helli smmudêrsgh.
yaghwd nit usalmad mnid inu, ibidd f tfenza, izzighzifd aSellab s mnid inu, aylligh a sis isillif udem inu, mradd ist ur ssinfgh, ikut isbukD iyyi wahhram:
- kherj 3lia a l9erd ! … kherj a lgarbouz !!!!
- ur gigh za3DûD ass, urrad ffagh.

a suivre
Revenir en haut Aller en bas
itrinit
Modérateur
Modérateur


Messages : 441
Date d'inscription : 18/05/2008
Localisation : Agadir

MessageSujet: Re: kana d istt mas   Sam 6 Sep - 17:57

iqqezz giti usalmad s kra wwaln dranin, ar ismmussu timiwa s zerb, art ittemnidgh, hina ukan izgwagh, hina imllul, hina isggan, urnn adelli itam urur ad, ighal izd ahelli serti isawl, is rad iyyi Tamz tceTTaht.

s tidt, ifadden inu gan aman, is helli sengh is sfrurigh tarremmant, sengh is sul ur ghin mad smunagh gh waqqayn, yan iran atten ismun, is raten ka ibbij. ghayan af nnigh htta nkkin ad as ghwligh tikiDa, ghaynna rad iggru add zwar iggru. iduhda nit sul usalmad s iwaliwn lli yas nnigh, s igh tin nit dagh utegh s yan mnnaw, sul ssakwighd aln, ar iyyi bdda ittini jddi igh ngwmer iwtlan gh tagant, ight itutt s yat, talst as dagh s tayyaD mahd iduhda sul, ighdd ard iduy hann urt sul tufit, nnighd nit usalmad:
- urrad ffagh, tga skouila tin innak ?
sllagh nit i iferkhan ula tiferkhin, lligh kullu nnan : yuuuuk, amzen kullu imawn nesn, kwnan aylligh 3layn ad kcemn ddu tbla.
safi, lkemgh gis wad iswan.
- urrad tffaght, rad nzêr …

issakwi nit uskwayli akwuray gh wakal, yakwinn flla, yamz iyyi gh umggerd, zun ka yumz kran ukyyaw, igi iyyi taqqayt aylligh dari tllas luqt, rzemgh imi, yakid ils, mmagh aghar ann sul luhgh asmmaql f imddukkal inu awrimil akwind ad iyyi fukkun, macc tzri luqt, ur asul ttannaygh yat, Dernt tillas.

yall iyyi, aylligh iyyid issukf zgh wakal. Yagl iyyi s yan ufus, ar smmussugh iddarn akka sul sengh menchk ad gigh d wakal, sellagh itaggurt llight irzem usalmad s ufus an yadnin, jjjjafffff ka mmu sul sllagh, issakwiyyid nit s brra. Tyasaygh gh ignna yat tizi, iggut mann kkigh gh ignna, ssudigh tagut, ur sengh managwu zdubbzgh akal, Derghen gh tama n ugjjâ n targant lli illan gh usarag n tinmel. a ggis nsker asarag, achku ur righ ad inigh ighzer.

duhdigh ukan sul s tiyyit n uzagwz ad yunfen. mmagh ad utchegh, bzziz as biddgh, surgh f ugjjâ n targant, gelbghen s skwila, ar ttannaygh tiflut tqqen, irurttin yad usalmad, urn sul annigh amr tifawt illis n khalti, tluhed flla yan usmaqqel zgh DaraT n tajjajt irzan n usatm, iliht nit.

Ur sul ssengh izd nit nttat ad zrigh, nighd is iyyit helli dagh ikcceD lhal, acku icid mad ukan twargagh s tifawt, urd aghar ghiyyiD, htta azal. Ghina s gelbgh izri ar gis ttannaygh tiddi ns. is nit t3ezza Tifawt. tga aghar tabergmmuzt ann mzziyn, macc ghikkli s a tsawal, ghikkli s attssa, tawada ns, tiddi ns kigan ast nahya. ar tskar imiskkuk an n tadsa igh dis jem3agh, tawwk tinfurin, agwend tukhsin ns, tsmiyel ikhf f tasga tafasit ar kigh tnnit ratt tsers f ighir, tsmun tifassin s lhil ar kigh tn tsers f tidmarin nes, tghama tqqezz giti menck, ar iyyi kullu izgger izri ns, ar sers s yafagh igh ikhri idmarn inu.

Urd zund zinb umghar, igh ar tssa, ur tssent is iga ghayan tadsa nighd ashurri. Rad asn tsellat wakhan tellit gh ikhf n udwwar. id hina ar ttinigh izd zinb umghar ayan ittssan nighd aghyyul n jam3 abukhuc ayan ishurrin.

a suivre


Dernière édition par itrinit le Sam 6 Sep - 18:28, édité 1 fois
Revenir en haut Aller en bas
itrinit
Modérateur
Modérateur


Messages : 441
Date d'inscription : 18/05/2008
Localisation : Agadir

MessageSujet: Re: kana d istt mas   Sam 6 Sep - 18:01

Vendredi 2 fevrier

- Wa ayt tmazirt !!! ….
Ibidd usalmad gh tuzzumt n usarag n tinmel, innad ar isawal s id babatsen n imelmaden, ar iswal s ayt udwwar, s inemghurn n tmazirt : amghar, ttalb n temzgid, yan immigri n fransa yuDênn s silicose, yan usbbab zgh ugadir lli yut lkamyo iskucemt, yan uqdim n lharb ikkattin gh lgirra n linducin, d wiyyad d wiyyad, illa ghin htta amksa n umghar d ukhmmas ns, mad awa ghid skarn htta nettnin ? htta nettni gan ghilad zgh inemghurn n tmazirt ? ….

- Wa ayt tmazirt, yan u3ddar gh udwwar, ffaghend iDarn nes acwari, ar isekhsar tawada, iggut mad isker, iggut mad inna, ur igi ma mmutt izzray yan, iqqand ast ifru, sul ghassad, gh mnid n ingwans, att kullu ssagwn. Hann ight nujja rad awn kullu ffaghen tarwa nnun afus. Wayt tmazirt inu 3zzanin …..
Arraw n lqasis, ayt tmazirt nk 3zzanin ? ar tggan wink, 3zzun aghar igh trit tink.
Ur tehtajjam madd sul smudgh i mayad, alfala9a, wama adraka malfala9a, kullu mad ikhelq rbbi isd ghid imun.

Yat tizi ikhwcenn, ur tga mad izrra yan, zzelgh f tadawt, cuwwern aylligh iyyi kkisn idukan, yasid salh agezzar yat tzikert, tkur ukan sul s tabznit n izgaren, iccuwr ayllighn yuss iDarn inu d yat tagjdit, ur adelli izerb salh s mani, ar ittas, ar itZiyyar aylligh nit isengadda tawwuri, iskr iyyi ammazen lli iskar i waghwi ight isgen gh lgwurnt. asalmad ntta ibidd art ismuqqul, tssusemt i tawwuri. yat tizi igelbn salh agezzar gh usalmad, ismmas asalmad ikhf, nttat ayan, ibid nit salh ar dagh ismuqqul tawwuri ist tnit tga, awddi nttat ayan, iknud aylligh dagh ismmus izikr is nit iZiyyer nighd uhu, ibid nit ar ifettu, izri gh mnid n inemghurn, ar as kullu ttinit bsahtk, salh agezzar ur akw asul slayn idarn nes akal.

biddend sin gh tama n iDarn inu, ameksa n umghar d ukhmmas nes, nnigh nit maghid skarn ghwwid, ur akw iyyi yadlli 3jben, wah ghassad akw urrad iDi umksa ulli n umghar s tagant ? nnigh nit, skern midden lficta, taffugla.

iska ismmus usalmad aDaD, yall nit umksa d ukhmmas tagjdid, tyigiln iDarn inu. htta nkkin lsigh yadlli aghar talfuqqiyat, iska ghlin idarn, tgwiz nit talfuqqiyat. lmaraD ulmaraD, skerght sul. ar ttaln imik s imik, ar tgwiz imik s imik, ayllighn llan iDarn inu nnig n takwst n usalmad, yall nit afus, inna yasn : ghanckkan ghilad, a ssul ur ghlin ula ggwizn. manis ra ssul ghwlin, kullu ayt udwwar radd awin lakhbar i ma ddari illan. awa zranten sul.

ibid usalmad, yasi yan usellab, imdi tin i ttalb, inna yas : bismillah a ttalb, rzem agh taggurt, adak irzm rbbi tiggura n ljent, rzem agh i lfrajt.
iska yut ttalb tad izwarn, hra righ ad ffigh taghwuyyit sigh nit sllagh i la3yad d taghwrit d rcc, ur iyyi sul ujjan htta agh allagh.

Talb n timzgida ad issentan, limam n taqbilt, tanna ur irzem ttalb, ur a gis ttili lbaraka. Tanna ka illan Talb assis ittizwirn, nighdd amghar. macc han ar dagh ttizwirn aghar s tid mmimnin, imma igh rzagent, urra tzert talb ula amghar.

kullu mad ikhelq rbbi, yuchkad ghassad ann yawi imik n lhasanat. ar asn adelli bdda ittini ttalb : kullu mad isghurcen ame3Si, kigan d lhasanat add irur. tg khtad yat tawhalt llin ur itam yan magh smunan imik, iggut mad adelli yakw ur iskern f lhasanat ad, yuchkad adelli aghar s tin tzallit n ljam3, gant as khtid zund igh tent ka igwra gh ugharas. ukan igh smunn khtid d khtin, hann khir llah ayan.

yan s yan as azrayn, tawala s twala, ur tlla tamaght, ur illa usehbbu, ur tella tazit, ur anffin n gratsen. lhaSil, ar fettunt limuran ghiklli s ira lhal att gint. Ur jjun d nkkin ad izran ayt tmazirt gh nniDam ad. Akuray igh irza, nighdd igh ka gis tenDer imik n tferkkit, sersent f tasga, ssenfelnt nit s umaynu. ur ghin qqel hann ra ttid awin. irza, had wayya. illa ghin yan ntta swalantin agh ijjujad aghar iselban, s3id iwis n tbuKaTT, yan derrit n lhram, ard itbbi aghar asllab n uzemmur, ad tennit isdid, yulwa mach therra tiyyit ns, ghinna s ifergh uDar ifergh sers usllab htta nttan, ur a iffal mani.

a suivre
Revenir en haut Aller en bas
itrinit
Modérateur
Modérateur


Messages : 441
Date d'inscription : 18/05/2008
Localisation : Agadir

MessageSujet: Re: kana d istt mas   Sam 6 Sep - 18:04

ar zrayn yan s yan. is ukan tzri twala n zinb umghar, tghwi nit Tifawt asellab. Tifawt akkullu igguran s igh iyyi tkfa imik n lbaraka, ad ast ikhelS rbbi, lhqqens n lujûr gh ljent ight inna rbbi.

gh tizwiri, imerrt iyyi ukan ukuray, mach ghiklli s at chttagh, iDarn inu ur asul syafan, ar fettun aylligh selmn, ad tennit is sul ur gan winu. Ur a sul giti ittawi usllab amya, ard iTTar usllab, irqqes nit tasawent.

id hina is akw aTssagh urd is allagh. mad iyyi yakw bahra isaTsan, khali i3zza, iga yan ufqqir ghanckka, ghanckk n tukkimt. mani awa trit a khali i3zza, htta kiyyi nhul kid, nighd is ka thult ikhf nek, wahqq rbbi ar tuhelt a khali i3zza, ze3ma ghanckkad n lhasanat kad ak sul ikhssan ad tkemmelt ghanckkelli s akccem s ljent ? afllak i3fu rbbi awddi a khali i3zza, tram aghar tid lgwaghnin.
igh yull asllab s ignna, ragh sers tqelt managu rattid ka sul isselkm, ur ad ilkkem usllab aDar inu ar kigh ibidd ufus ns, is ahelli sul islay usllab aDar inu, inna nit : hak dar limmak, yal nit dagh asllab, awa managu rattid dagh irar.
nkkin ksuDgh aghr lhram ann ulhram ad iffagh rruh nes, nnan han kiyyi att inghan.

imma hmad ubihi, igh ra yyut nttan, ar ittqqen yat Tit, irZem yat, isfergh amggerd, iqqezn gh ignna, zund ukan kra n ufullus igh ar itsella i ttiyyara, art isiggil gh ignna.

waynni ur illa mayyi inghan zund 3blla nayt blla, iwis n lqasis, igwmer adelli bdda giti azemz, ar yadelli bdda ittelli manigh rad iyyi yamz, ira bdda giti lahsift, macc ur jjun as tghwigh. awa ghassad yufayyi sul, isker giti ghemkelli helli ira. « Berbllaq … hak awwww, Berbllaq … hak awwww » ka mmu sul tsellagh, sul ar as ittadd i hak awww ar kighd irur usulil taghlaghalt ns, igh as inna usalmad yudak, ara akuray, inna yas 3afak yat sul, 3afak khtad sul. Yan DDur is akw issudn afus n usalmad, ad as ka sul yajji a ssul isker imikk lhasanat. drrit n lhram. iwis n lqasis. asalmad dgh nttan ira nit adelli giti tawwuri, yajjit, izdi yas sul aghar : ut a 3blla nayt bla, hak awww.

aghar ut a 3blla, ara maddark, izd is ak tennit is herrant ? iDarn inu selmn, ur akw sengh is aghin tkkat. urd ghann a giti ighaman, lligh iyyi iserg usalmad, aylligh a iyyi ikkat rehd nnun, khtad ad iyyi igan aTtan, igh adelli tgam irgazen ad iyyi ur tassm, ad iyyi ur tgim askerf, ukan nzer mammu izdar kuyan, waynni ollah urttin gik ichtta wakal kiyyi ula asalmad.

uggar n snat tassa3in ayad izrin, tiyit n uslab iggwran ayad. Tluh tifawt asellab f idmarn inu, ar nit tfettu. ad am ikhelS rbbi a Tifawt.
Ameksa n umghar d ukhmmas rmin igellin, urtn sul usin ifadden nsn, is helli sul rzemn i tagjdit, Dern idarn inu ghwakal. Ouf !!! kas sul nnan.

Zelgh gh wakal, ura sul tmussugh. ssuteln iyyi ayt udwwar, ar iyyi temniden, ghiklli s attemniden izimmer igh as ghersen ass n tafaska, igh ingD gh tamda n urin zgwaghnin. is helli nttan ar ikkat s iDarn, nkkin man idarn sul dari a sersn kkatgh. Manzak a salh agzzar ad iyyi tfsit ? ar kullu tsellamn d usalmad, ur sengh manik s at tannayn akud ann. asalmad nttan igan tinkhar gh igenna. is awa tssent mad isker ? ar fettun ayt udwwar mun gh ugharas, ssengh kullu marragh ttinin.

Kkigh menchkk ad kkigh, ur sul sengh izd is gengh, nighd is iyyin iswa lhal, llighd nkergh, ufighd agayyu nu wahduyyi gh urwass ad, ur sul sengh managu ad iyyi fsin ula mad iyyi ifsin. izikr iDr ukan gh tamanu, tajenwit kast ibbi kra, acku iga mennaw igwzman. mmagh ad biddegh, ggammigh as, ur sul zDârgh, iDârn ur sul gin winu, qqurn, bzgen, stghen, ar tchtitihn s waman, s urin ….
Ur sul iqqama aghar agh tctutulgh, ad as gegh idarn d ifassen ukan. Tizi magh lkkemgh tigmmi ka yad, illa ugharas. urd akw igh attazzalgh, izd igh asent gigh kkuZt.

à suivre
Revenir en haut Aller en bas
itrinit
Modérateur
Modérateur


Messages : 441
Date d'inscription : 18/05/2008
Localisation : Agadir

MessageSujet: Re: kana d istt mas   Sam 6 Sep - 18:09

igh iwengh usawn, dergh i tksart. ur jjun adelli seksagh is kullu illa ghanchkkad d isiwan d iskwsar nger tigmmi negh d tinmel, ha talatin, had ighzran, hat timdwin, had isaffen. agharas ighezzif, yagwi a ssar ikemmel, idaren d ifassen, achtutl, achtutl …. tidikelt n ufus, ighariwn, ifadden, adrar n udar, ccan akw amhhaD, khrin kullu, gwban kullu, izd ibbankikn, izd asnnan, izd icfray, …

yat tizi ikhcenn, bahra ikhcen aflla ikkan, imttawn, tidi, urin, aladda, iraran, ikhluln, taghuyyit, tandra, asmmammi, … ghwigh la piste wahduyyi, tawada n bujghlal, ghinnagh izri, ijjukrru gis aladda.

ar ka sul t3ajjabn ayt udwwar, ur senn mad ijran, wah aghar idgam s ghassad, iffu yyid lhal ttuyssangh, ur sul darsen tawwuri abla nkkin, ur darsn maf tjem3an abl nkkin, ar kullu ttalsn i mad skergh usalmad gh mnid n tazzanin, ar ttalsn lligh usigh asalmad, sgrawelghtin gh wissa igenwan, lligh usigh asalmad ar sers sslufgh akal. kra ygatt yan isemden imik zgh dars, aylligh aka sul t3ajjabgh lligh sfeldgh i ma kullu skergh, izd nit nkkin ayan f jem3an, ur awddi kullu skergh mayan. Mangh awddi utgh asalmad s ubbankik, manght awddi qelbgh, manigh awddi jdergh kran tflut, manigh awddi usigh lkwummit s kra, …

wa Talb n timzgida ibder assagh inu urd yan Dur urd sin, iga tid akw gh lkhtebt n ljam3, urd aghar yan ljam3 att inna, ar ifttu ttalb aylligh iqqerb aggiti isker abulahab. Ur sul ikhassa aghar ad asn inna talb hann tizi nna nkemmel tazalit, ragh nefttu agh tin nterjam s sat tizratin.

tnna yasn tifawt yan ddur : ttalb ur ayadder gh tmzgida, amr igurramn, mradd i sur iga ghwann agwerram ur akw rad isker rbbi sibab ad icc akuray zund kullu igwerramn mqqurnin. Kaygat ljam3, limam ar isawl, yals isawl, isawl nit dagh, ar dagh isawal, iggut mad inna f yan iffughn agharas, isawl f masd iqqan a nnit nut yan iffaghen agharas, mac maf akw a bahra bahra bahra isawal talb, lhasanat lli illan dar walli yiwsen gh ucghurc n walli iffaghn agharas, d lajr iggutn lli sers iqqeln gh ljent. ad asn kullu ikhelS rbbi.

urd lkemgh imi n tgemmi aylligh sul ur gigh tiZri. tawada n tayyu ann skergh, igh ulgh afus d uDar afasi, menck arra helli kgh afad attn sersgh gh wakal. ghikan d ufus d uDar azelmad. Ur sul zemmergh atn selkemgh i wakal.

baba ibid gh imi n tgemmi, tesbihat gh ufus, uzlim iZZa dagh gh wayyaD, ar iyyi ismuqqul aylligh zrigh gh tama n idarn nes. innad nit :
- uggar ad ak igan, kiyyi tirgitnit ad tgit, sul tad izegzawn, tirgitnit ideln s ighd, ur issen yan maf ann fllak ikkat. ar tent teskart ur akw lant aggwu. hati a bifadden, talluht nek agh radd itassakwit ighwlaln urd asalmad. izd ur sul tssenm, makwn yugern, ur tsenm makwn yufn, lahula wala quwata aylla billah … lahula wala quwata aylla billah … lahula wala quwata aylla billah …
ar isawal baba, mast za gis yiwin.

inna nttat ar ukan trrag gh ddu tgemmi, tzra yyi ukan arn tctutulgh, tqezz helli sul giti, ar temnidgh tawwunt gh ufus nes, ar tqqelgh sul aghar managu arrad sers tut. awa mazza issen, ad ur tiri htta nttat imik n lhasanat. lligh zrigh gh tama ns, tnnayyid sul aghar : asllab n ttalb a iwi, hati asafar ayga.
- igat a inna, aggis ighfer rbbi ddunub

llighn lkemgh imi n tflut ad kchemgh s u3gummi, ar ttannaygh tifawt tbidd ukan gh imi, tsur f tiflut, ur ssengh is adelli bdda ghin tlla nighd is hrad telkem, irwast izd is helli tra ad iyyi terzem tiflut ad kcemgh. nnigh as: htta kmmin a tifawt ?
Ar nit talla, tnnayyi :
- uhu, ullah abla bzziz, is ka kssudgh ad iyyi nnan tffught ljma3t, ghaylli kullu skern derrit d tferkhin kad skergh, sul nkkin hati urk akw bahra utgh, urn akw gigh jjehd.
ar nit fettugh, ah ! ar nit tchtutulgh, zright, awa zid, sawelgh helli sers ar talla. man jjehd a rran tgt a tifawt. asllaB nm tutt iyyi sers wahli menckk ayad. makh idrus mad iyyi tskert. nkkin kad issen ma kkullu ijran a tifawt.

à suivre


Dernière édition par itrinit le Sam 6 Sep - 18:51, édité 2 fois
Revenir en haut Aller en bas
itrinit
Modérateur
Modérateur


Messages : 441
Date d'inscription : 18/05/2008
Localisation : Agadir

MessageSujet: Re: kana d istt mas   Sam 6 Sep - 18:11

Mercredi 7 février

l3arba ayga ghassad, wah ! izd smmus ussan ka yad izrin. ugin ussan htta assul zrayn.
tayelgi yad, tiwiyyid Tifawt yat temkilt n uskkif irghan,
iskhenn s wargan,
ilan tazukennit ijjan.
lligh as tekDugh llighn illa gh inkan,
nnigh amark ukan yufan,
llighd ilkem, urn gis zzrigh mqqard mennawt tugmimin.

ah !!! iDarn inu ttadenghtn sul, gan kullu tilbghin, d iberrayn d wakhmajen d tistghin. itersan ssentan ard tectithn s waman d lgih. igh tn delgh ar iyyi isnuntuf ufaggu, ightn zuzfegh, huln iyyi izan. ur sengh menchk ad iyyid sul iqqan n ussan ad ukan smmergh gh iggi n tgertilt ad. menck n tizi ? ur sengh …

à suivre
Revenir en haut Aller en bas
itrinit
Modérateur
Modérateur


Messages : 441
Date d'inscription : 18/05/2008
Localisation : Agadir

MessageSujet: Re: kana d istt mas   Sam 6 Sep - 18:15

Aujourd’hui

zrin ussan, zrin iyyirn, zrin isgwasn ….. iga dari lhal zund iDgam.
is jjin itersan ?
ar adelli tjjin …

is ka righ adawn nnigh han sengh sul matga kana ula mad tskar, sengh ist mas, ula id lallas.
mad tskar kana ?!!!
Tarfa3o al ism wa tansabu al khabar, ar ttal yan, tfsser wayyad. walu, ibbizdi. ghayyad af necca ghanckkan d ukuray ? madagh gis illan awddi igh a ttall ula igh a tfesser ula htta igh aten ttikrir.

mad akw iga igh tsent kana tarfa3o? is jjun illa mad iyyi adelli sul isaqsan ma ssul tskar kana? lhram, walu, htta yan. zgh ghassli fllas ccigh akuray.

isn jju tbidt gh ssuq gh mnid n butkhsayt a tfrut, tnnit as kana tarfa3o ?
isnn jju TTuZt gh mani, tnnit awiccur, tlla nit ghid kana tarfa3o, nttat karrad iyyi ifukku? wahli. is aghd yagh.

inna yak al i3rab !!!!
dahabtu ila almadrasati
dahabtu : fi3lon maDi naqis
ila : askkil ujakrar
almadrasati : assagh ittuykrirn, tamatart mas ar titikrirn tbayn gh tiggira ns.
ur ssen izd tamatart n ujjakrar izd tiggira n imelmadn lli ifttun s almadrasati agh tbayn. slawantt akw igh tga almadrasati n udrar.


tanmmirt nnun
Revenir en haut Aller en bas
Tamatart



Messages : 93
Date d'inscription : 21/06/2008
Localisation : Agadir

MessageSujet: Re: kana d istt mas   Sam 6 Sep - 23:08

itrinit a écrit:
Aujourd’hui


is ka righ adawn nnigh han sengh sul matga kana ula mad tskar, sengh ist mas, ula id lallas.
mad tskar kana ?!!!
Tarfa3o al ism wa tansabu al khabar, ar ttal yan, tfsser wayyad. walu, ibbizdi. ghayyad af necca ghanckkan d ukuray ? madagh gis illan awddi igh a ttall ula igh a tfesser ula htta igh aten ttikrir.

mad akw iga igh tsent kana tarfa3o? is jjun illa mad iyyi adelli sul isaqsan ma ssul tskar kana? lhram, walu, htta yan. zgh ghassli fllas ccigh akuray.

ullah ariy tnghit s tadssa lol! lol! iht nit tnnit mayadli tskar kana abla all yat tutt sers tayad ghan af ighelbt ukuray li kaf fllas ncha ntat ula "Inna" , amma yadli yan jdwal derb issagh sers tawin l'mou3alimin rja ankka dah fin l'jnoun ns h tazzanin ..lol lol
ayuz nk a itrinit ifoulki mayad ,tssuritahd dah s ussan zrinin
Revenir en haut Aller en bas
itrinit
Modérateur
Modérateur


Messages : 441
Date d'inscription : 18/05/2008
Localisation : Agadir

MessageSujet: Re: kana d istt mas   Sam 6 Sep - 23:19

Tamatart a écrit:


ullah ariy tnghit s tadssa lol! lol! iht nit tnnit mayadli tskar kana abla all yat tutt sers tayad ghan af ighelbt ukuray li kaf fllas ncha ntat ula "Inna" , amma yadli yan jdwal derb issagh sers tawin l'mou3alimin rja ankka dah fin l'jnoun ns h tazzanin ..lol lol
ayuz nk a itrinit ifoulki mayad ,tssuritahd dah s ussan zrinin

tanmirt nm a ultma tamatart
ighzzif mayan lli urigh, macc tsent ukan, ighdd ard ibdu bnadm gh tirra, ur akw asul ittiri ad ibidd.

tanmmirt
Revenir en haut Aller en bas
Tanirt
Admin
Admin


Messages : 737
Date d'inscription : 16/05/2008
Localisation : France

MessageSujet: Re: kana d istt mas   Mar 9 Sep - 20:50

Merci Itrinit pour cette très belle et magnifique Nouvelle que j'ai lue et relue pour en saisir le sens.Très beau style hilarant, léger et très captivant que j'invite nos membres à découvrir lol! ta façon de décrire ton traumatisme avec la grammaire arabe, à travers "kana wa akhawatuha" lol! !! Que de mauvais souvenirs scolaires!! Rolling Eyes un récit très réussi, bravo à toi!

Ibayn is tmerrt a wach keyyin d kana, d istmas ula id khaltis lol!
Tkkit afus!! Basketball ullah ar iyyi tsadsat!! lol!
Revenir en haut Aller en bas
http://art-amazigh.discutforum.com
itrinit
Modérateur
Modérateur


Messages : 441
Date d'inscription : 18/05/2008
Localisation : Agadir

MessageSujet: Re: kana d istt mas   Mer 10 Sep - 14:22

Tanirt a écrit:
Merci Itrinit pour cette très belle et magnifique Nouvelle que j'ai lue et relue pour en saisir le sens.Très beau style hilarant, léger et très captivant que j'invite nos membres à découvrir lol! ta façon de décrire ton traumatisme avec la grammaire arabe, à travers "kana wa akhawatuha" lol! !! Que de mauvais souvenirs scolaires!! Rolling Eyes un récit très réussi, bravo à toi!

Ibayn is tmerrt a wach keyyin d kana, d istmas ula id khaltis lol!
Tkkit afus!! Basketball ullah ar iyyi tsadsat!! lol!


tanmmirt nm a ultma lligh teghwrit talst tghert dagh tallast ad inw, mqqar bahra tghezzif.
is illa gh iggi n wakal manwa ur tmert kana d ist mas, is ukan tsent mafllagh izrin, is nit tceqqa.

irbbi mad igan ghilad: ullah ar iyyi tsadsat.
menck d ukuray ad ccigh, tennit ar tdssât? hiyya htta kmmin mrad is tellit gh udûwwar negh tizi yan, radd ukan dim tawit yan mennawt lhasanat.
thenna luqt, htta nkwni is helli nra ad nettssâ.
tanmirt nm
Revenir en haut Aller en bas
Reqia Tanirt Touw



Messages : 258
Date d'inscription : 04/06/2008
Localisation : safi

MessageSujet: Re: kana d istt mas   Sam 13 Sep - 23:59

azul iffawn gwma itrinit

trit tidt?????????

s ufenzay a tagwmat ,s tgallit am k ju ju ju ghwrigh am tallast ad ifulkin immimn ifsusn idusn ighudan isedsan ........................igguuuuut mad tga !!

ur ad ak inigh ayuuuuz uhuy ,rad sudemgh igenzi nk inighak (akki serbeh rebii) cheers

mad yi bahra issusmn ligh ar tsawalt f tifawt , d lighak skern lfalaqa lol!
kolot talast tfulki kollot !! ayuuuuuuuuuuuuuuuuuuuuuuuuuuuuuz !!!
tanemmirt gwma itrinit
Revenir en haut Aller en bas
itrinit
Modérateur
Modérateur


Messages : 441
Date d'inscription : 18/05/2008
Localisation : Agadir

MessageSujet: Re: kana d istt mas   Dim 14 Sep - 15:49

war-assagh a écrit:
azul iffawn gwma itrinit

trit tidt?????????

s ufenzay a tagwmat ,s tgallit am k ju ju ju ghwrigh am tallast ad ifulkin immimn ifsusn idusn ighudan isedsan ........................igguuuuut mad tga !!

ur ad ak inigh ayuuuuz uhuy ,rad sudemgh igenzi nk inighak (akki serbeh rebii) cheers

mad yi bahra issusmn ligh ar tsawalt f tifawt , d lighak skern lfalaqa lol!
kolot talast tfulki kollot !! ayuuuuuuuuuuuuuuuuuuuuuuuuuuuuuz !!!
tanemmirt gwma itrinit

tanmirt a ultma tanirt n tafroute f iwaliwn nm, ummergh bahra lligh km tssusm tallast ad.

tifawt: tga dari tadugamt, t3zza kullu darengh, art kullu nsiggil. ghiklli tga tamarayt inu, ukan iwaliwn d tiwllafin nnad itkkan ul, ar bdda tfalkin.

izd issusem km lligh ayyi skarn lfalaqa? affraid
htta kmmin a war assagh tcb3at giti tadsa? nnigh imil tamatart ihenna lhal, imikk ukan had tanirt ar giti tdsa, tackid htta kmmin tennit issusmekm lligh iyyi skern lfalaqa. awa mezian. ikut ighd tucka taylalt, haqqan nttan asllab n uzmmur arrad tasi. akka ig rbbi slamt marra tsker nttat.

tanmirt a ultma, ummergh bahra s tugga nm.
ar timlilit.
Revenir en haut Aller en bas
lmnnani abdellah



Messages : 52
Date d'inscription : 28/12/2008

MessageSujet: azul itrinit   Jeu 19 Mar - 13:58

ghuncknna s bahra aqqragh tallast ad ar giti tghamat ; ackund ma trit kana d istmas lahak howa d aytmas ..
wayni tella ghin yat ttaqa bahra mqqurn gh (ssard) igh gis tswangmt xtad han tga i kra n ungal ifulkin bahra .. tssusmiyi bahra tutlayt ns ur ihuln anlli n yan ula tga iwtta d yan .. terxa tfssus ; tjja yak lligh gis askkif s wargan ..
ghar taklit yadnin ad sul ur tssakayt alln gh uslmad maghn midn hratnin ur ilkm gh udwwar aras tinit kiyyin (is tga ti innak)
awa mta ghin lligh urak kurhigh kra lhasanat atn gigh sermgh

ayyyyoooooozzzzzzzz
Revenir en haut Aller en bas
Mohamed Oussous



Messages : 50
Date d'inscription : 18/12/2008

MessageSujet: Re: kana d istt mas   Jeu 19 Mar - 22:46

mass itrinit
ghrigh tallast nk, tumz iyi, tkrf iyi, ggammigh ad dis ngirigh aylligh lkmgh tagara ns, dfargh dik timsarin, ddrgh dik aylli ijran, dsagh, zmummggh, tkcm iyi tgudi trks iyi d tadsa, ig mayann timitar n tskla idusn idran ighwzann.
tzdart ad agh tmlt udmawn nngh, tsdsat agh gisn, tssallat agh sisn, tzuzft agh i waggasn ngh, tmlt mani gh irca uswingm d uslmd ngh d tussna s tgharast nk, tink sik izlin, tnnit s tallast ad nk kigan n aylli nttini s discours ideologique direct, tnnitt kiyyi s tskla immimn, s ul n unazur ifsusan, tmlit agh taghwznt n taydyulujit ta3rabuslamit ur sul tntl macc s tguriwin n usnflul! tkkist addal i wanawn n tnbadt ikrfn imazighn, gn ibayttârn i twngimt nngh s tgharast nk ifssusn ifawn d ittagwmn zg ughbalu n taysi ngh d tmyurin ngh d taghalin nngh d umiyn nngh! tanmirt mass itrinit f tmkilt ad immimn n tguriwin yadfutn!
Revenir en haut Aller en bas
itrinit
Modérateur
Modérateur


Messages : 441
Date d'inscription : 18/05/2008
Localisation : Agadir

MessageSujet: Re: kana d istt mas   Ven 27 Mar - 8:12

lmnnani abdellah a écrit:
ghuncknna s bahra aqqragh tallast ad ar giti tghamat ; ackund ma trit kana d istmas lahak howa d aytmas ..
wayni tella ghin yat ttaqa bahra mqqurn gh (ssard) igh gis tswangmt xtad han tga i kra n ungal ifulkin bahra .. tssusmiyi bahra tutlayt ns ur ihuln anlli n yan ula tga iwtta d yan .. terxa tfssus ; tjja yak lligh gis askkif s wargan ..
ghar taklit yadnin ad sul ur tssakayt alln gh uslmad maghn midn hratnin ur ilkm gh udwwar aras tinit kiyyin (is tga ti innak)
awa mta ghin lligh urak kurhigh kra lhasanat atn gigh sermgh

ayyyyoooooozzzzzzzz

tanmirt nk a gma f iwaliwn ad nek
uhu abrid n angal ujjun ak swangemgh att amzegh, icqqa mayan, hati nzra turmiyin n wiyyad. add yawi rbbi mad agh ittamzn afus.

lhasanat igh tnt trit hati tsent ukan manigh attiligh, ackin ukan tzert.
tanmmirt nk a gma lmnnani
Revenir en haut Aller en bas
itrinit
Modérateur
Modérateur


Messages : 441
Date d'inscription : 18/05/2008
Localisation : Agadir

MessageSujet: Re: kana d istt mas   Ven 27 Mar - 8:25

Mohamed Oussous a écrit:
mass itrinit
ghrigh tallast nk, tumz iyi, tkrf iyi, ggammigh ad dis ngirigh aylligh lkmgh tagara ns, dfargh dik timsarin, ddrgh dik aylli ijran, dsagh, zmummggh, tkcm iyi tgudi trks iyi d tadsa, ig mayann timitar n tskla idusn idran ighwzann.
tzdart ad agh tmlt udmawn nngh, tsdsat agh gisn, tssallat agh sisn, tzuzft agh i waggasn ngh, tmlt mani gh irca uswingm d uslmd ngh d tussna s tgharast nk, tink sik izlin, tnnit s tallast ad nk kigan n aylli nttini s discours ideologique direct, tnnitt kiyyi s tskla immimn, s ul n unazur ifsusan, tmlit agh taghwznt n taydyulujit ta3rabuslamit ur sul tntl macc s tguriwin n usnflul! tkkist addal i wanawn n tnbadt ikrfn imazighn, gn ibayttârn i twngimt nngh s tgharast nk ifssusn ifawn d ittagwmn zg ughbalu n taysi ngh d tmyurin ngh d taghalin nngh d umiyn nngh! tanmirt mass itrinit f tmkilt ad immimn n tguriwin yadfutn!

tanmirt a gma Oussous f tulghiwin nk
issusm iyyi ad igher usalmad negh tallast ad inu, ummergh bahra llighk tssusm.
nkkin is ka yadelli righ ann armgh anaw ad n tirra, mac llighk tssusm tamzwarut ad, rad ukan immagh yan addagh iskr tayyad. mac ad iyyi tawst s issisfiwn nek dranin.
tanmmirt tanmirt
Revenir en haut Aller en bas
Invité
Invité



MessageSujet: Re: kana d istt mas   Ven 27 Mar - 11:24

Sleep


Dernière édition par Zalhoud le Mar 6 Sep - 1:06, édité 2 fois
Revenir en haut Aller en bas
Rinas



Messages : 68
Date d'inscription : 06/04/2009

MessageSujet: Re: kana d istt mas   Mer 8 Avr - 19:01

Itrinit amddakwl, tallast nk tga anaw isatsan ar sallan s yat twalt,da avn tlupn v izzi n uzigi nv n ulmmud, tugt ad nlmd ncc fllas akuray min ad as naf amras v tudert nv,v yat iv tlla kra n tutlayt v iggi n wakal isakan talugi (la logique) regg igat taorbit tiwkraf
unckk nna sa gis ttlmadt ar tvalt afgan is ak ur ilkim tifnzit ar ttufft ar d tbaqqit niv n tsbbuqot mani;tanmirt attas smd f twwuri nk tdust bahra; ar t aqrav zud iv ar t tmnadv
Revenir en haut Aller en bas
Med Amawas



Messages : 7
Date d'inscription : 05/04/2009

MessageSujet: Re: kana d istt mas   Sam 11 Avr - 19:39

Azul itrinit.. Manzakin? (a war urziyn ifulki lpseudo yad) Ayyuz nk is tsnt izd tis nat twala ayad bdigh ad a9ragh kra n tallast ur bidgh ayllight kmlgh (tiklit izwarn igat tin tawargit d imik n brahim tachnyart ah tin Mohamed Akounad hhh) Vraiment ayyuz nk achku tzdart ad tinit tugt n tghawsiwin s yat tgharast iziln ifulkin.. tsktit iyid ussan n tghri ula nknin lol!
Revenir en haut Aller en bas
http://www.amawas-music.com
tayamnat
Modérateur
Modérateur


Messages : 36
Date d'inscription : 21/02/2009

MessageSujet: Re: kana d istt mas   Lun 22 Juin - 18:45

Slaam n rebi flawn,Azzul
olah aryitnghit s tadssa :alvas: ,wakha tmkor guouleh ournkrh arekih stzwar kolo gherih ,tssoussmyi bahraaa;isousmyi guis koulchi tougut n "les mots" anguis oufih idrous matnt soul ittinin idrous matnt soul issn ; ayouuuuuuuuuuuz nk ayouuuuuuz nk ifoulki lkhirad ;akislm ougulid mkorn bravo bravo
Revenir en haut Aller en bas
Contenu sponsorisé




MessageSujet: Re: kana d istt mas   Aujourd'hui à 2:09

Revenir en haut Aller en bas
 
kana d istt mas
Voir le sujet précédent Voir le sujet suivant Revenir en haut 
Page 1 sur 1
 Sujets similaires
-
» Saint Seiya Version Deluxe (Kana) (Vol 14/22 : 5 Juillet 2013)
» Mail Kana...
» Astuces pour apprendre les kana!
» Astro Boy chez Kana !!!
» Kana Nishino – Esperanza Single Album

Permission de ce forum:Vous ne pouvez pas répondre aux sujets dans ce forum
art amazigh :: Culture et Patrimoine Amazigh :: Littérature/Linguistique-
Sauter vers: