art amazigh


 
AccueilAccueil  PortailPortail  S'enregistrerS'enregistrer  ConnexionConnexion  

Partagez | 
 

 targant mezziyn

Voir le sujet précédent Voir le sujet suivant Aller en bas 
AuteurMessage
itrinit
Modérateur
Modérateur


Messages : 441
Date d'inscription : 18/05/2008
Localisation : Agadir

MessageSujet: targant mezziyn   Mer 10 Sep - 14:07

targant mezziyn
(Lahoucine MOURABIH itrinit)

ar tssenta tamzgunt ad s yat tahwact n t3iyyalin.
tiferkhin usint tigwdar f ighir, gint azawag, ar selghant, ar tsutul nt i targant, artt sswant s waman n tigwdar.
imik, had tiferkhin ar kullu skarent taghwrit … tagwentift add ilulen …

tluld i tagwentift .... ar timghur ... ar ttimghur ... tbidd ar tmussu … imik hattid ar akw tfettu gh usays n umzgun ...
tifferkhin ummernt … amzent as afus … tkecem tagwentift nger tiferkhin gh lahdert  ... ar thuc d ti3yyalin ....

tbidd tagwentift tnnan i innas targant :
Tagwentift : inna !!!!
Targant : illi !!!
Tagwentift : ghikad tfulki tudrt a inna .... ummergh ghassad ... ghassad ur igi zund ussan ...
Targant : assinn aylli ... ghwin aylli iguma mmimnin d ijddign kwlanin ... tebdûtn i tferkhin ... ummr aylli ... umramt a tiferkhin ... ummr ay afgan ... tudert ur kullu tra ghadd d tmmara d umttâ d usmmammi … fjjijat at awa helli …

Ar Tasi tagwentift tisggwit  gh llan igwuma d ijjign ... kraygat yat tfk as tisggwit nes ... Kcement tifrakh gh uhwac ... tilli tagwentift gh ngratsent ... illa lgha d rekz d taghwrit ...
gwizent tifrakh s dar ugdud ... ar asn attân iguma ... ar fllasn zuzzurn ijddign d urarn ....
lligh ikemmel uhwac ... ffaghent tiferkhin asays ... tmun dissent tagwentift ....
tghamad targant wahdut gh iggi n iflu n umezgun.

imik ar rn ttazzal yat t3iyyalt ... tkcemenn ... ar taqqra i targant ....
Tafrukht : lalla targant ... lalla targant ...
Targant : hayyid aylli ... tramt sul imik n iguma ? … asinn sul isggwi yad … fjjij amt ay illi …

Tknu ad tasi isggwi gh wakal ...
Tafroukht : lalla targant ... iwigh amd s tazzla ... kran inghwmisn khcenn nin ... ur gan mmammu issflid yan ...
Targant : madd igwran ? tzêmît iyyi ...
Tafrukht : iwigh amd kran inghwmisn khcenn nin ... khcenn nin ... khcenn nin ... mcuckand gh uDwwar ad bbin izûran n tagwntift mezziyn ....
Targant : manwaaaa !!!! … wa nkkin gh sul tjra ... ah ayattân inu ... maf ragh allagh aflla issefsus tazâyt n temmara nu ... ah aylli ... lkm iyyid aylli ad tsellat i tghwuyyit n mam yussin kigan d lhul d wattân ... illiiiiii ....

arn ttazzal tagwentift ... tbidn gh mnid n targant ...
Tagwentift : inna ... maf atallat ? ... man inghwmisn issâksâdn ad ukan terbit?
Targant : illi !!! ah aylli ... a nkkin gh tjra ...
Tagwentift : makm yaghn a inna ??? ... makkm ilkemn ??? ...
Targant : tudrt nm a illi ...
Tagwentift : inni iyyi ay inna ... aflla ur tserkwst yat ...
Targant : imcuckad ufgan a illi ad isu urin nm ...
Tagwentift : aymmi hnnaaaa !! mamenk as am yughghd ils a inna ad iyyi tinit zund iwaliwn ad ?
Targant : ghayyli mmu sfeldgh ayan i illi ... mqqar d l3ar ... askêrd ayad ...

ikcemn ufgan yasin tacaqqur gh ufus ...
Afgan : lalla ... uckighd awighd yad tamstggart ... tserset lejma3t f umggerd inu ... righ ad am inigh ... imcuckad ufgan ad ibbi izûran n tagwentift ... iqqand ad ssufugh awal ... awal ad igan bnadem …
Targant : ghaylli ur illin a yan … urrak ajjigh ast tskert ...
Afgan : ad adelli ur netgga ckal i irâmân a lalla targant ... ad iyyi ur tseghwit asttid ssukfegh gh nger ifassen nm ... nnan willi izrinin ... igh jjun itelf yan yâmz akal ... ar jjun tseflidt i wawal n unlli igh am uddent tassasin d tkrrayin ...

Tagwentift : innaaaa ... ah akhtad igdên gh takrrayt yutin timmariwin n umadâl ....
Targant : ah ... ight nit tennit aylli ... ah akhtad iyyi ijran ... (tsaweln s afgan) ... isd tektit ass llighd dar negh tuckit s umadal ???
Afgan : ktight ... ratt adelli ttugh ... lligh a ittbi ughwni adan n uhlig inu ...
Targant : lligh tutct f ifadden nek ar tssudumt idârn inu ...
Afgan : s wammâzn zund ammâzn n tamttint as ûmzgh iskkîdn nm ... cbbergh gisn … agwigh assul disn ngirigh …
Targant : ur tennit ass ran ... ad am gegh ismeg nm ... tanna s tennit a lalla ... nnighd n3am ...
afgan : nnight ... ur rad am nnigh uhu … nnight ... iggut mad nnigh akud ann ... is tsent mad iyyi yadelli isker ughwni ... cayfghen f lmut …
targant : jjenjemghk ... fkigh ak ad tecct ... delghk ... ntelghk …
afgan : mazza trit ghil ad ad amt inigh ... tanmirt ... iskm tuda ?!!! ….
targant : mas rad awa tfrut ajmil ad inw ? ma menk as ak isurf lkhatr nk ad tsenfelt afulki s uskêrd ? wakwak mrad isk akw adelli ur sengh …
afgan : tudert  a targant ghikkad as a tserrâf … ikhssakm ad tssent is ur tgim amr i twwuri n ufgan …
targant : lhurma nk … ad iyyi ur tkkist illi gh ngr iffasn … astt ur tenght … yuda ma kkullu immuten ar ghilad … yuda mammu kullu tgit agwri a afgan …
afgan : izd ur ta jjun tsent izd is agh kwent iskher rbbi ? … izd tiwiwin ngh kad tgamt …
targant : ah ay illi … ar nsawal ar ittagh umarg awal … ar smmamigh f ughulid … mrad is smmammigh f udrar … ikut igad amlal ard ittâr … knunn aylli gh mnid n idârn nes … ssudemtn … shurmut … mentrat … ssutert ...
tagwentift : urrad seknugh ikhf a inna art ttsuturgh … ra ddis mungh a inna … is rad iyyi isthenna igh iyyi ingha … hayyid ay afgan … gud iyyi s urttum inw lli iyyid iqqan …
targant : lhurma nk ayafgan … ast ur tenght … ngh iyyi … awi iyyi skr siti agharas n lkuct …
targant : urd kmmin ad stin a sers sfaskan … illim ad ran … iqqand ad skergh mad ran …
targant : awa ngh iyyi dis … ad akw nmun nkkin dis gh yan timdêlt … mammu sul thla tudert igh ur rra dagh ismun ahtta usemdêl…  
afgan : ssutergh ad iyyi ur tseghwit ghmekan … yuda illim igh tsêrrêf …
targant : iqqand ad mungh d illi …

tagwentift : inaaaa … ah ukan a inna tgellint … ma ttrit ad temmaght a inna d lhict … is trit ad iluh gh wakkal tikhsi nm yamumn, igzin s ucerrig n tibîdît … ur rad ijru ma yan … ngh iyyi ayafgan … llâh ihennikm a inna … llah iheni tadmert ann ihennan lli iyyi bdda ideln … hayyi ddigh s dar lmut …
targant : illi … ussan inu rad gin win tissumga …

tagwentift : ntel a bnadem udm inu … tasit iyyi s maggug … tbbit iyyin gis f igwezman … issefsi usmmammi n inna ul inu … ghemkelli tssefsi  tmmara nu tasa ns …
targant : wakwak … rad ddêrgh … ur iyyi su lusin idârn inu … amz ayelli innam … zzîghzifd afus nm … ad iyyi ur tfelt … irwast is iyyi telkm tizi ad mtegh … amadâl ar itemduddiy gh mnid n waln inu …
tagwentift : innaaaaaaa … a tibbit lligh ssumgh akfay ihennan …
targant : matta khtad nem ayilli s urttum ad fllam yukin …
tagwentift : agh ur tallat a inna … ad ur tsmmammit … llâh ihennikm a inna igh km sul ur zêrigh … llâh ihnnikm …
targant : arad aylli afus nna addim msîfîdgh …
tagwentift : ur as sul ufigh a inna … llâh ihennikm …

arnn ittitti ufgan d tagwentift …
tdêr targant, tuttc f ifaden …

targant : llâh ihnnikm a illi … llâh ihnnikm … mammu thla tudert igh gis ur nmun … llâh ihnnikm … msâfâd aylli d ugdud urd nkkin ….

tdêr targant, tuttc f ifaden … kcemten tferkhin … tibuqqal f ighir … ar ttirirnt s imik … ar ssewant targant … macc ghiklli s atssewan … ar tkennu … ar tkennu …. aylligh tdêr s wakal …
Tillas …..


tanmmirt nnun
Revenir en haut Aller en bas
Tanirt
Admin
Admin


Messages : 737
Date d'inscription : 16/05/2008
Localisation : France

MessageSujet: Re: targant mezziyn   Sam 13 Sep - 19:08

Merci Itrinit d'avoir révélé et dénoncé à ta manière et à travers le sort réservé à " targant mezziyn" le crime et le massacre scandaleux contre notre arganier, notre arbre ancestral, enrciné dans notre Histoire, culture et traditions. Cet arbre magique que Mohamed Khaïr-Eddine a évoqué dans ses écrits " Arbre magique et vénérable, tes racines forent le roc et scellent avec la terre un pacte irrévocable ; tu es le végétal le plus résistant et sans doute le plus beau ... "
Merci pour cet écrit bien bâti, riche en métaphores et agréable à lire! sunny
Tanmirt nek.
Revenir en haut Aller en bas
http://art-amazigh.discutforum.com
taylalt



Messages : 215
Date d'inscription : 30/05/2008

MessageSujet: Re: targant mezziyn   Dim 14 Sep - 1:41

merci itrinit pour ce très bel ecrit que tu nous as offert, c'est merveilleux ,

Tanemirt nk agma f targant a mezziyn!

Tayla sunny t
Revenir en haut Aller en bas
itrinit
Modérateur
Modérateur


Messages : 441
Date d'inscription : 18/05/2008
Localisation : Agadir

MessageSujet: Re: targant mezziyn   Dim 14 Sep - 14:18

Tanirt a écrit:
Merci Itrinit d'avoir révélé et dénoncé à ta manière et à travers le sort réservé à " targant mezziyn" le crime et le massacre scandaleux contre notre arganier, notre arbre ancestral, enrciné dans notre Histoire, culture et traditions. Cet arbre magique que Mohamed Khaïr-Eddine a évoqué dans ses écrits " Arbre magique et vénérable, tes racines forent le roc et scellent avec la terre un pacte irrévocable ; tu es le végétal le plus résistant et sans doute le plus beau ... "
Merci pour cet écrit bien bâti, riche en métaphores et agréable à lire! sunny
Tanmirt nek.

merci tanirt
c'est vrai, targant est le végétal le plus résistant, mais contre la nature, la sécheresse, le vent mais pas contre afgan et son tagelzimt d ucaqqur.

nkkattin imil nga taghwuyyit acku u tmazirt art itbbi argan, ulli ns ar gis kssant.
ghassad haqqan, nkkin ar ttannaygh, izd tamsmunin n tmazirt ula khtillid ikkan brra, is iwint tiwizi gh wargan, is as hawelnt. targant ur kullu tezdâr i ghaylli gis kullu ran.
iyyih, ifulki timsmunin ad ilint, afadd a sseksant s targan d warraw ns, amma ad ackint timsmunint, awindd i tiyyâd zgh la France, Allemagne, ... aghenn tzzîgent targant abla luqt, hann is rast neghin. Targant a midden ur kullu têzdâr i ghaylli gis tram.
is agh dagh ikhessa haqqan ghassâd addagh n sker timsmunin mad itteggan taghuyyit, mad ittinin i timsmunin lli yadlli imaghn f tudert n wargan, ad asnt nnant: yuda kent, han thawelm i targant.

tanmirt tanirt
Revenir en haut Aller en bas
itrinit
Modérateur
Modérateur


Messages : 441
Date d'inscription : 18/05/2008
Localisation : Agadir

MessageSujet: Re: targant mezziyn   Dim 14 Sep - 14:19

taylalt a écrit:
merci itrinit pour ce très bel ecrit que tu nous as offert, c'est merveilleux ,
Tanemirt nk agma f targant a mezziyn!
Tayla sunny t

tanmirt nm a taylat f iwaliwn ad nem, ummergh bahra sersn.
tanmirt
Revenir en haut Aller en bas
Contenu sponsorisé




MessageSujet: Re: targant mezziyn   Aujourd'hui à 2:14

Revenir en haut Aller en bas
 
targant mezziyn
Voir le sujet précédent Voir le sujet suivant Revenir en haut 
Page 1 sur 1

Permission de ce forum:Vous ne pouvez pas répondre aux sujets dans ce forum
art amazigh :: Culture et Patrimoine Amazigh :: Théâtre amazigh-
Sauter vers: