art amazigh


 
AccueilAccueil  PortailPortail  S'enregistrerS'enregistrer  ConnexionConnexion  

Partagez | 
 

 tiwurga n igdad

Voir le sujet précédent Voir le sujet suivant Aller en bas 
AuteurMessage
Reqia Tanirt Touw



Messages : 258
Date d'inscription : 04/06/2008
Localisation : safi

MessageSujet: tiwurga n igdad   Ven 24 Oct - 10:46

Tiwurga n igdad



Tumez tasut ngh ayda liyas tfel tasut izrin , tumez assafu n tiwurga !
Awd nukwni ar ntwirgi s umadal iifawn , ighussen, taddart igh ar tsutul f tafukt ar fellas istsutul afra , iwdan ddern daw achenyal n tagwmat d ufulki !
Mac tillawt tmerzg , zegh tallalit ar ak truzumn imezgan ininak : warg ghkelli trit ,mach adj tiwwurga-nk gh unnell-ink ,negh rad ig imal nk am win “stikka”
Yah am imal n “stikka” !!


ur ju tugh udman ikwrchen irkan ,ur ju tllef timektit inu I tittawin n ufgan an, zwant am urti irufn war afar , delnt s umulgh d umezgun ! gisent kran uffur idja ger iwdan mac ur t nsfaw s ull ,gisent tawlaft n ugdid irzan , yurem ad ifarri gh igenna n tillawt s tifrawin n tiwurga,rzint timzawiyin n tillawt!



ar t beda tiksudgh ligh mezzigh ! nnan ar ikkat ,at ukan annigh rurgh s dar yimmi hdugh ar sers taggagh !!

mach yan itutn ur agh ikkat !!
ar izigiz ar itikrir aqeccab ns irkan gh wakal ,tdfer t tazamma am asekluns .
aragh sers siwidn gh timzi , ar agh tinin : ha “stika” rak ichch !!
mach ur ju yagh sawln f taghwzent ichtan iwdan ;may mezzin d may meqqurn , tech” stika “s ikhfens !!

ar tinin ha anafal , mach ur ju nnan ,makh ayligh inufl ,d manik atga tallast ns meqqar t ssen !
Ur ju sawln f uzerfns ityakarn , is as leqqemn attan f wayyad !
Ar ukan sul itlli ger tiswak .aynna yas fkan iwdan yamezt s tummert zund tazzant igh as sghan talullucht tamaynut mas turar !!
Laz d ussemid d gar asmmaql d imal war tasna ;ghkad atga tudert n ”stika” , yah awd assaghns ur irwas win miden , mach ur igi wali yas fkan zegh tallalit .


“Abed llah “;ghkad ad iga assaghns ,isemg n wakuch , irzat uzemz-ad daw achenyal n tayri li yusi I amadal ad anemmar !
Abed llah ,asafu n tigemmi-ns n , iga gh ger aydars ,yan afroukh ger kust n tiferkhin , , yafud babas ifelt gh uswgasns wis ttam ,immagh d uzemz s ayna mu yufa , igh d iffagh zegh tinmel idu ar izenza iselman gh ugadaz,irar t in idd ,s dar yinnas ,ich imensins, yasid idlisn-s ihsu ayli yasn ifka aselmad .
Yaws I innas yassi dis azazu meqqar fellas iggut attas , ig argaz n tgemmi zegh timzins.


Tahelnt istmas yagurd ntan d yinnas (hniya) .
zrin iswgasn , ig abed llah argaz s unellins , ilkem s tighrins I aswir ifulkin ifkayas adur ger inwgans , ig aselmad I tutlayt n “ta3rabt” !!
Ghkeli s akw tinin : yan ur dars afulki gh tmazirt ns ,ur dars afulki awd gh ikhfens
Mach kran tikkal ,ar itga afulki yad gar I afgan !


Abed allah s twalans , ar itiri amadal-ad,immagh ad ifalkay imalns , ar beda fellas itara ,ar sers itwirgi ar gis itumal , ar ikkat f izerfan n ufgan , ad iderf ,ad inegh afessa fellas ikkan !

Ur ju t issusm aqechab iberbchn li yas selsan , ira ad tg am taslit ,ad as illes aqcab amellal ismerqin s usmerghi n itran ..ileqmas afulki s ajjig n urtan …iggut mad gis ira ,ur t yufi ,attan ar itimghur ar t itagwr , ur sul izdar ad yagwl I ullns izengign ,ur sul izdar ad ig semmus f imins ,ghkeli t akw gin iwdan . ..
Isawl abed llah ,isawl inna ayli yas itsutuln gh ugensns , isawl inna aylli
Ur zdarn at nnan wiyyad !!

Yull achenyal n tiderfiyt ,i

nna s tghuyyit : tangadayt negh tamerwayt !!!


Ur izri akud igutn sigh ifra atig n tiderfiyt d izerfan lif ikkat ad illin .
gh uswgas n 1972 ,gh yan idd ur irwass addan , nghan afgan gh ugens n abed llah , rzan tawwargit ns irban afulki d tifawt I imadal , fkant tarragt I tillas n yan abergemmi iggut f assagh n aghzu !!

amadal ger kust n ighwrban azn I gratesn attas , ahanu dwu akal , ur t imnid yan , ur as isella yan !

semmus d mraw n uswgas ad gis ikka ,ar gis itafud ifdi n tklit gh kri gat ass, d kri gat ass s tighzi n uswggas !
ar gis itqqen laz s imik n ughrum iqqurn d imik n waman is ka rwasn aman !
ar gis ichta asemmid ikhsans ,yakwr gis amadun tadusins!
semmus d mraw n uswgas izrit ent gh tillas ,ur issen man akud ay tili uzal d man akud agh d itagwa idd , idda ad itu udem n wayur d usmerghi n itran , idda ad itu is iga afgan , is ilul imghi ger inas d babas d istmas , is ighwra ayligh iga aselmad , is tlul gh ullns tayri n yat tawtemt ifulkin iwarg ad teg tasmuntns gh tudert, idda ad itu ,ghkelli t tun mind !!

itahl abed llah s tassast , binas illes lis isawl yan wass f tiderfiyt d izerfan, d ufus lis itara gh yan uzemz f tayri n umadal , tlkem tassast afans , ig afud timillad usafar!!
ur gis feln amer izmmuln , akuchm ,tadawt ikwnan ,azzar imellul , ills agnaw …
gh semmus d mraw n usewgas ig abed llah awessar ,zund igh izri gh tudertns sdimraw d uggar !!


ilkem akud ligh rad izwu akuc timilla gh ullawn n uccan , rzemn tifelwin n umadal an illasn , ddin abed llah , ad ilul I tisnat twal gh tudert ad ,iffagh igellin ,yufad ifkhens gh yat tanezruft war abrid ,sigh isyafa kran afus iters igin ighir ns , igrawl yafed yan argaz awassar,


yinyas : man tamazirt agh tuchkidt ad k sers raregh a ywi ?


ismaql gis isiwnas allen , ira adas irar f useqsins ,mach illes ns ifelt darat n ughwrabad !!
ikwna ira ad as yara gh umlal ,mach afus awd ntat ifelt jaj n aghzu yad !!
yukz afeqqir an is ira ad as inna kra mach ur yufi kran tgharast yadnin afad ad ast inna , ar as itini timizar ,yat s yat , ar as ikkat abed llah s ikhfens uhuy uhuy uhuy …aylligh inna assagh n tamdint ns , inder zund ighas iqqes kra ,yutas s uqllal ,yah yah yah …

imun dis afqir an iselkemt ar tamdint n iselm d ideqqi , mac ur sul tgi ghkeli s t ifel , igigl ill ns , khwlan ighwrban iqburn izwa assif ,ig assa-ffi maf yalla yan , iwdan jlan kri gat yan d man adwu at yiwin , isduqr gh imi n tgemi ligh ilul , iter ad isella I awal n yinnas mach ur as irzem awd yan , intu tagurt , yut et adwu n itay , ikchemd isella I taghlaghalt n yinnas d tadsa n istmas , yurrid sers uzemz s ussfan n timzins , isiwn allnes I yighwrban ar gisent itannay tiwllafin n igdam ar zruynt yat tama n yat , izra tisit tugl ukan sul gh ger ahanuns d unwal ,ghkeli gh ti fel,ira ad gis yagw mach iksud ad izer kran udm yadnin ur igi wins ,, isdu f aghwrab ar yalla am azzan igh as kkesn akwfay , awd yan issen maf yalla abed llah , izd ,iswgasn liyas ukern ,negh innas li yafudn s tugt n izengign d wattan f iwis n tassans , negh tawwargit li yas rzan ,jlun dis imal ns ,amsyafa yad yuger ametta igut f usmammi !!

iwdan ghkellitn chefn sul gh ufessa ,lsan sul aqchab n twda , inafaln kad itllin gh tswak ar sawaln s illes iderfn ,
zegh akudan, ilesa abed llah aqchab n unufl , isenfel assaghns s (stikka) , isti ad beda yagug f tillawt ad , inegh timektitns ,ig afgan war imal , war tasna .

ur ju ssengh is “”stika”” ikatin iga ameghnas , mach iga anaw li ur issen afessa ,ur tmerks taghensans d tkhendallast , ur agh isawal ar ihedda darat n tmesmunin, ur agh izenza ar issagh gh tamurt ns !
“stikka” iga sul ameghnas , achku yugi ad dagh didengh idru taddart ad , isti ad yagug iski amadal izli sers , ur agh gis itwirgi , achku isker gis ayli s beda itwirgi, gis tamurt ifulkin ,ullawn ghusnnin, iwdan ummern gh ufus nsn izerfansn , amadalns iffaw f wingh, ur gis inemghurn ,ur gis igwtan !!
Ihsa akw tiswak n (assa-ffi) ,ikkerj gh ighwrban tawllaft ns ,izemmem gh udem n ill tallest ns , ifel gh ulawn azemmul n uberray ns !


Gh uswgas n 2002 , yafud “stikka” , ufan t id izzel iggin umlal n ill, zund igh ar itaylal gh igenna , gh udmns azmumg d usmerghi n tumert , yafud ar idessa ! zund igh ar itini I amadal ad anemmar ,tadssa s tawala !!


Rad nwwarg , d ur ad nqqen tiwurga gh aghzu n tkwssadin ,rad nsawl ,nini s yat tklit : tangaddayt negh tamerwayt !!



reqia touw ( assfi)
Revenir en haut Aller en bas
Invité
Invité



MessageSujet: Re: tiwurga n igdad   Dim 26 Oct - 14:26

Aztl Warassagh
Rad newwarg
Neg it igdad negh inafalen negh tazzanin
Yan iran uraren negh n mad nezra n tumert dw attan issfeld angh,yan uririn adt id ur irar
Tanemmirt f tallast ad igan zund tazerziyr n taruct yan ugezzum amellal idfar ugezzum aseggan!
Tanemmirt
Tanemmirt
Tanemmirt
Gwmam zalhoud flower
Revenir en haut Aller en bas
Reqia Tanirt Touw



Messages : 258
Date d'inscription : 04/06/2008
Localisation : safi

MessageSujet: Re: tiwurga n igdad   Lun 27 Oct - 15:13

Zalhoud a écrit:
Aztl Warassagh
Rad newwarg
Neg it igdad negh inafalen negh tazzanin
Yan iran uraren negh n mad nezra n tumert dw attan issfeld angh,yan uririn adt id ur irar
Tanemmirt f tallast ad igan zund tazerziyr n taruct yan ugezzum amellal idfar ugezzum aseggan!
Tanemmirt
Tanemmirt
Tanemmirt
Gwmam zalhoud flower

tanemmirt gwmanu d dadda nu zalhoud

yah rad nwarg d rad nkat afad ad gint tiwurga tillawt , meqqar s ughanib !!


tanemmirt amour
Revenir en haut Aller en bas
Contenu sponsorisé




MessageSujet: Re: tiwurga n igdad   Aujourd'hui à 14:40

Revenir en haut Aller en bas
 
tiwurga n igdad
Voir le sujet précédent Voir le sujet suivant Revenir en haut 
Page 1 sur 1

Permission de ce forum:Vous ne pouvez pas répondre aux sujets dans ce forum
art amazigh :: Culture et Patrimoine Amazigh :: Poésie-
Sauter vers: