art amazigh


 
AccueilAccueil  PortailPortail  S'enregistrerS'enregistrer  ConnexionConnexion  

Partagez | 
 

 Asslmd n tmazight s mani ?

Voir le sujet précédent Voir le sujet suivant Aller en bas 
AuteurMessage
anabay



Messages : 41
Date d'inscription : 02/11/2008
Localisation : masst

MessageSujet: Asslmd n tmazight s mani ?   Mer 19 Nov - 8:05

--------------------------------------------------------------------------------

Asslmd n tmazight s mani ?
Aynas 14 Innayer 2008 s umara reseauamazigh

Ggutnt tbratin n tmawast n usgmi anamur lli d ilkmn tikadimiyin n tmnad’in n usgmi d usilgh,f usntl n usnmala n uslmd n tutlayt tamazight g tinml n uslmd amnzu,awint d tugtt n tghawsiwin;
-aslmd n tmazight ar t ttwalan islmadn da sawalnin tamazight nghdd yan g udmawn nns.
-Krad’t tusragin,tizi ittuz’layn i uslmd n tmazight.
-Islmadn n tmazight ar zzrayn asilgh g tutlayt tamazight d tdidaktikt nns g tmnad’in n tgldit qqah’ nnsnt.
ma yad d tugtt n tghawsiwin yad’nin lli s nnan rad srxunt aslmd d ulmmud n tutlayt tamazight afad ad tt ssnn tarwa nns g tmazirt nns!

Tamawast d usinag g tama nns, ar sawaln f kr n izwiln, zund:amd’an n tinml g tlla tutlayt tamazight,amd’an n islmadn n tmazight,amd’an n tdaliwin n tmazight n ku asggwas,sg amzwaru ar wiss krad’...ur nssin mani g tn id iwin? tidtt tga tayyad’!

Yazz’ ad ismd usggwas wiss krad’ n uslmd n tutlayt tamazight,maca mani ilkm? is fsint tmukrisin nns?

Tugtt n islmadn lli iwalan aslmd n tmazight ur a tt sawaln! nlqqm i tmukrist, lligh tn nsmun dislmadn lli tt sawalnin, nskr asn yan usilgh s tbidagujit mas a ssawaln tamazight qqah’ nnsn, g tizi lligh d iqqan ad ittuz’lay ussilgh nnsn, ittuskar s tbidagujit n wid ur sawalnintutlayt;mamnk ur swingmn iwdan cayfnin f usilgh g tmukrist ad? Is ur tz’li tbidagujit n usilgh n wid lli sawalnin yat tutlayt, f tin winn lli tt ur sawalnin,ghmklli tz’li tbidagujit n uslmd n yat tutlayt i inlmadn da tt sawalnin, f tin wid tt ur sawalnin?

M yad ad isargn i tugtt n islmadn ann aylligh a ttannayn imalassn n usilgh mas gan am tannurz’mt d usunfu g twwuri, ar zzrayn ussan n usilgh ur ar asn d ffaln amya!

Is ur tgi tazgalt tamqqrant ad nswala aslmd n yat tutlayt i yan tt ur isawaln? yak ar ttinin wartaghawsa ur a tt yakka!

Tisaghratin n islmadn, ar gisnt nttafa tawilawt ad:"asilgh g tutlayt tamazight d tdidaktikt nns", maca ur a nz’rra yat f tdidaktikt n tmazight, iwdan da cayfnin f usilgh g tdidaktikt ur a fllas sawaln! ar att’an idlisn n uslmad d unlmad f islmadn, mmattin ar sawaln f tilal n ulmmud, ar ttmaqqaln adlis n unlmad tasna s tayyad’!

Is ur tlli tdidaktikt iz’lin s tmazight? ngh ad nfsi tamukrist ad ar nsslmad tamazight s tdidaktikt n tutlayin yad, am ghiklli iskr yan g id mas lli cayfnin f usilgh n tutlayt, lligh a issawal f tjrr’umt n tmazight s tmawalt n tàr’abt,isawl f "ljarr wa mjrur"d mad t irwasn g tjrr’umt n tmazight! Ur igum ad nsslmad tamazight s tdidaktikt n tutlayin yad’nin,nlqqm as tamawalt awd nttat!

Tugtt n islmadn lli mu nssagh win tmazight ur a sslmadn tamazight,is hlli lan assagh ns, d tugtt n wid lli tt sslmadnin ur a ttuqqir’n tizi n krad’t tsragin g imalass,ghiklli ur ttuqqir’n tilal n ulmmud.

Yat tgarawt ar ttini mas iggut f unlmad n usggwas amzwaru ad ittlmad snat tutlayin d sin iskkiln s yat twalt! ma yann af a ttinin mas d iqqan ad tmmatti yat gisnt s usggwas wiss sin, tghama ghar yat g umzwaru! Wid igum ad ad’un s tyafut n isnubbucn n imussann n usgmi d uslmd n tutlayin, rar enn afn mas,azzan ngh anlmad amz’yan ar ittizd’ir, ilint dars tzmmar’ da ur illin dar umqran,ad ittlmad unck nna mu yufa n tutlayin d iskkiln nnsnt s yat twalt,ackuanli nns illa sul g tfrkt n ugmu.

G tizi lligh ar siggiln iwdan ad, ad tmmatti tmazight s usggwas wiss sin, is fllasn illa ad ttsuturn mmaghn f ad ttulmadnt tilal ann yad’nin n ulmmud s tutlayt tamazight,acku aslmd s tutlayt n Ma ar yakka tanyafut da ur yakka uslmd s tutlayt tabrr’anit.

Tili yat tgarawt yad’nin ar ttini; ma rad agh tfk tmazight igh tt akkw nsslmd, nghr tt?

Zat ad nsaqsa f ma rad agh tfk tmazight,iqqand ad nsaqsa ixfawn ngh;mad as nfka nkkwni? Taghawsa tamzwarut,illa fllagh ad tt nssn,nlmd tt,yixcin bahra ad nttlmad alsiwn n wiyyad’, nttu winngh, nsghr t ig ixss’! Ghid rad d nkwti middn n kat’alunya lli agh zwarnin s umsasa n tutlayt,sskcmn ils nnsn s tinml,d’in d izrfan lli s tt frgn, zund azrf n twwuri lli isbzzizn f wanna isiggiln tawwuri g kat’alunya ad zwar issn ad isawal ar ittara takat’alunit, ig it aslmad ngh amsasfr ngh amnàar’...iqqan d ad issn ils n ikat’aluniyn afad ad disn ittmsawad’ s ils nnsn.

Aylli ttini tmawast n usgmi d ussan n tghri lli snmillint tkadimiyin fuslmd n tmazight,ula aylli ittunnan g tinnawt n Ajdir, ur sar ifrg tamazight ula imatr izrfan nns(droits),acku ur tt’afn atig ula tadusi n uzrf(loi), ma yann skrnt ku yan f ad ismatti tamasayt f ixf nns.

Ku tighawsiwin ad ar agh mmalant mas tamukrist n tmazight tga tasrtant, tga tamukrist n izrfan,afssay ns isghawsa s uzrf, iqqan d ad ig asrtan!

Elhassan Boutssaid Usam

taldrar@yahoo.fr

source: Asslmd n tmazight s mani ? - [Réseau AMAZIGH
Revenir en haut Aller en bas
 
Asslmd n tmazight s mani ?
Voir le sujet précédent Voir le sujet suivant Revenir en haut 
Page 1 sur 1
 Sujets similaires
-
» [Mani, Stefan] Noir Océan
» Mani & le Graphisme
» Mani Ratnam
» Ca va chauffer Sartana revient ( Su le mani cadevere sei in arresto ) –1971- Léon KLIMOVSKY
» MANI, Stefan

Permission de ce forum:Vous ne pouvez pas répondre aux sujets dans ce forum
art amazigh :: Culture et Patrimoine Amazigh :: Discussion générale-
Sauter vers: