art amazigh


 
AccueilAccueil  PortailPortail  S'enregistrerS'enregistrer  ConnexionConnexion  

Partagez | 
 

 anzgum n wawal

Voir le sujet précédent Voir le sujet suivant Aller en bas 
AuteurMessage
mohamed akounad



Messages : 3
Date d'inscription : 22/12/2008

MessageSujet: anzgum n wawal   Dim 11 Jan - 23:35

takklit tamnzut ad tga ta d llig udfgh s turtit ad n umarg, ur nn ukan iwdgh ghas turtit n umgrud, is d llig ar tssgrad?
ur ssngh, da tsmurigt a amgrud xf wawal,ighuda ad nsawal xf wawal, mac ad agh ur isstu mk ann is urta nli awal, nghd urta nli awal lli s ar nsiggil ad t nili, nkni imazighn nla kra n wawal, mac nlla g ifassn n ayt darngh lli yagh sul ur irin awal ngh, ur agh t sul gin d wawal, nghd ur agh t gin d wawal amqqran, allig agh akk ttggan bzziz ad sul sis ur nttnyalkam, kra kingh nkkni imazighn ar t akk nqqan ayt tmurt ns acku izdi sul d wawal ad lli xf ar tsmurigt kiy a amgrud, awal ad iga abkkad igh sis tsawlt g zund libya!!
g tmurt ngh yaz nn nit ad t ig, urta gh nqqan, mac ar hlli gingh dssan, igh ar t nsawal, iga darsn tamatart is n ussmzi, surf iy a amgrud ur righ ad ak akrgh i umarg nk tamimt ns s isqqsitn ad zziwiznin.
Revenir en haut Aller en bas
Reqia Tanirt Touw



Messages : 258
Date d'inscription : 04/06/2008
Localisation : safi

MessageSujet: Re: anzgum n wawal   Lun 12 Jan - 19:23

mohamed akounad a écrit:
takklit tamnzut ad tga ta d llig udfgh s turtit ad n umarg, ur nn ukan iwdgh ghas turtit n umgrud, is d llig ar tssgrad?
ur ssngh, da tsmurigt a amgrud xf wawal,ighuda ad nsawal xf wawal, mac ad agh ur isstu mk ann is urta nli awal, nghd urta nli awal lli s ar nsiggil ad t nili, nkni imazighn nla kra n wawal, mac nlla g ifassn n ayt darngh lli yagh sul ur irin awal ngh, ur agh t sul gin d wawal, nghd ur agh t gin d wawal amqqran, allig agh akk ttggan bzziz ad sul sis ur nttnyalkam, kra kingh nkkni imazighn ar t akk nqqan ayt tmurt ns acku izdi sul d wawal ad lli xf ar tsmurigt kiy a amgrud, awal ad iga abkkad igh sis tsawlt g zund libya!!
g tmurt ngh yaz nn nit ad t ig, urta gh nqqan, mac ar hlli gingh dssan, igh ar t nsawal, iga darsn tamatart is n ussmzi, surf iy a amgrud ur righ ad ak akrgh i umarg nk tamimt ns s isqqsitn ad zziwiznin.

azul !


Illes nun idus ,gis tutlayt izdegn ,amsyafa ighusn !!
Tfkit ar sul takkat i wamur n wakuc ,i y iman n tamazgha ,i ghassad d imal !!
Tutlayt ngh tlla bedda ,nukwni ad ur illin,nmatel fellas attas ! baghrar d agh yud en ar itamum ,mayan af fellas nekka imik s imik , mac amaddun gis idjan imatid serngh ,ikcem ullawn ,ar agh yatta ar agh isagug f gratengh , afus ur sul igi yan ,gan mennaw !!
Tad lif nkkat ad tili izerfans , ar sergh tqqel ad nrez tiflwin n ughzu ns ,nsderft nlkem sers wafatn ,nzri sers iwtan ,nstara sers akw amadal !!
S illes s tdussi n tayringh s tagwmat ngh !! ang yan afuss ur d afuss ibin g ufuss !!

Ayuuuuuuuuuuznk ,asselmad ngh mohammed akunad !!
amour

war assagh (reqia touw - tanirt n tafraout )
Revenir en haut Aller en bas
mohamed akounad



Messages : 3
Date d'inscription : 22/12/2008

MessageSujet: Re: anzgum n wawal   Mar 13 Jan - 7:51

azul war assagh(tanirt n Tfrawt)
da km snimirgh xf tguriwin smurgnin lli flli turit, s tidt, nik ad xf illa ad km issimghur uggar acku tgit g yat tmdrust g trbatin timazighin lli yurrgn (ihdan)aghanib ns I tutlayt ngh Tamazight, tluht amud g igr n usnflul ig wad iziln, immghi, ilzu,ur ad ikk amya ad ifsu s ujjig ittbnghaln, s mk ann ilmma tiyad am kmmin ad d ddunt ad kfisnt awd nttnti amud winsnt, llilnt d igr ngh lli –ikut-ad sul ibughlu ar d yati winsn, ukan ilal d dagh umazigh yut t id ufrak idul n s ixf ns, igllin n ixf ns yanni nn andal ns issiwidn, ikut ad t amznt t tawdiwin, illil nn aylli ighaman g tmgit ns, ihbbl as d s iman, iddr tt, ifaw as akud nn ubrid ur ad t sul smlilliyn ijawn, ur ad sul illuzzu gr tmiga n wiyad indl tins, ilmma da km snimmirgh xf tuwuriwin iziln da ttggat tzubdut gisnt.
Revenir en haut Aller en bas
mohamed akounad



Messages : 3
Date d'inscription : 22/12/2008

MessageSujet: Re: anzgum n wawal   Mar 13 Jan - 23:03

uma inw zalhud da k ssimghurghawd nik, tgit amdyaz, ar nn ttakwzt amarg illa sul g jaj n ughbalu ns urta d nssisn, awd nik mmrgh llig diwn lligh g turtit ad ibughlan lli d ismunn, rad dd nit sul tsmuna tizzwa lli jlanin, tilli ismun ughjjaj n uslal d ujjig ifsan.
iyih, rad nili tili tutlayt ngh igh nusi tayri ns g ugwns ngh, d igh ighzan is nra s tidt isqqaqn ad nili. tayri n ufgan igh tfrs mani ur tt id irur, asqqsi iga t mamk s rad d iduy iwis d illis n umazigh,ig akk tukksi, issnti abrid n usdrf ns.
ard dagh.
Revenir en haut Aller en bas
amgroud



Messages : 22
Date d'inscription : 18/11/2008
Localisation : tanezruft n yakuch

MessageSujet: berk a da mouhmmad   Ven 16 Jan - 12:11

azul fllawn akkw
ar ttigutnt twargiwin f yan ar d gnt zud tidt,ar ittwarga ku yan gigh,mach ur ngadda gh twargiwin,illa ma ittwargan ittas,illa mad tnt d nit issakayn ar ittwarga,mach nkkni imdyazn,imghnasn,ayt ufrak ar nn akkw nttmiggir dar kra n twargiwin
illa ma gh ar ttwargagh s tmazirt ad ngh tga mk lli nra,tg tingh,nskr gis ayelli nra,mach ar d ttduyegh afagh d ikhf inu ar ka ttwargagh bla ttasegh,ar iyi d issnkar gh itts ayelli illan,tilawt,tidt n tmazirt ngh,lli gh ur nlli mk lli s inna mas mouhmmad akunad,lli innan mas ur nli awal ,yighzin,inna tidt
tamazirt ad,wan timizar akkw n tmazgha ngh ifriqya tazelmadht,ittukraf gis wawal n ayt tmazirt,yili tikwmam,yili gh izithi,ur d awal s wammak n tguri helli,mach awal akkw s wammakn lli akkw ittaf dar imazighen
awal darngh tga t tutlayet
awal darngh tga t tguri
awal tga t tnbadht
walli d dar awal iga t walli isugern
walli mu iga wawal wins iga t walli yattuyn
yan wawal dar imazighen ibbi timidhi n iwaliwen
mach man imazighen ?
ized nekkni ?
ized willi agh d ifeln ?
ized willi rad d nefl ?
imazighen ar tn ttlah kaygatt ass,ar ttakkutn,ar ttzugn,ar ttwwujdun ,ar ttxwun timizar nnsn lli ikkusa yilf d willi d yiwin ilf ffin t id(ayt 3tab tigirit ad),wanna izugn,immuddu,immlatti,taghawsa tamzwarut lli as ijllun,awal amazigh,fadd ilemma ad as akkw jlunt...
awal lli f sawlgh iga awal ngh
ized wwid nit ,
Revenir en haut Aller en bas
Contenu sponsorisé




MessageSujet: Re: anzgum n wawal   Aujourd'hui à 22:23

Revenir en haut Aller en bas
 
anzgum n wawal
Voir le sujet précédent Voir le sujet suivant Revenir en haut 
Page 1 sur 1

Permission de ce forum:Vous ne pouvez pas répondre aux sujets dans ce forum
art amazigh :: Culture et Patrimoine Amazigh :: Poésie-
Sauter vers: