art amazigh

Site consacr l'art amazigh, la culture des berbres, aux coutumes des imazighen et traditions des chleuh. Notre objectif est de contribuer faire connatre sur le web notre culture tamazight.
 
AccueilAccueil  PortailPortail  S'enregistrerS'enregistrer  ConnexionConnexion  

Partagez | 
 

 tazrawt n mohamed elferkhssi f "agad n tidt"

Voir le sujet prcdent Voir le sujet suivant Aller en bas 
AuteurMessage
Mohamed Oussous



Messages : 50
Date d'inscription : 18/12/2008

MessageSujet: tazrawt n mohamed elferkhssi f "agad n tidt"   Sam 17 Jan - 1:40

iga iyi addur axatar ad awn zzrigh tazrawt ad tanfrant igan tamzwarut gh wanaw ns lli yura umddakkwl ngh M.ELFERKHSSI f twckint n "agad n tidt" n umdyaz Amgrud, tga tamzwarut acku ttyara s tmazight, d acku tga tighri idran g wasa n wannay n umgrud g usays n umarg:

Agad n tidt
Asmmaqql izwarn

Issufgh d umdyaz ngh tayib amgrud gh usggwas n 2008 tawckint ns tamzwarut n tmdyazin,macc wanna tt ighran yakwz tiguriwin ns d wasa n wammak ns rad issn is tga tamzwarut ghas gh mnid n tzragt; ad tga d izmi n tarmiwin n mnnaw isggwasn, aslal d iffughn gh kigan n tmmara d urfufn; amgrud ur igi amdyaz aylligh issanun tiguriwin d twinas, ifrn tutlayt, issukf iwwutta n unlli fad ad innurzm i twwurga ns ad ttfayrarnt gh ignwan d imadln ur smdnin, inna fllas mohamed Oussous lli yuran tazwart n tawckint mas iga amkkasu n sidqi 3li azayku macc ur igi amalu ns, mayad nzdr adt inn nakwz gh tawckint slawant akw gh mad izlin s twila d ttimat ns :

Tawila :
tawckint n umgrud llant gis sdmraw (60) n tasniwin ittiwbd fllasnt mad ittggan kramraw d yat (31) n tmdyazt d yat tzwart, tarragt d usnimmr. asmmaqql amzwaru ar immal mas-d amdyaz ngh irks gh tawckint ad ngr mnnawt tgharasin d wanawn n tmdyazt, tazaykut d tmaynut zund igh ira ad yini tamdyazt ad tili ngh ur tlli isqqwal d isaffn ur gin amr imassn; igh tn akw ilmd irmstn, ur ad ig amzdyaz igh zwar ur yufi aghbalu n umarg isu-d gis yat tissi igan tin usnflul mayad ad iwatts umgrud lli gh inna : tatrara tqqan d mac ad ur nz d uqbur.
Uggar n mkann ar nttafa gh tmdyazt n asqqul tighawsiwin zlinin s ufran acku ar agh yakka taswingmt ns d umnad ns i tirsal lli s d iqqan ad fllasnt tsur tmdyazt idusn :

Taguri igh tt tsgaddat, izgu wawal izzri tt
Usqqul nna d tslit, tzlit ilmma adghar
Kaygatt awal siggl as illi da gaddan irgl t

Maya d ad isiggil gh tmdyazt mac tugtt n idrisn ur ttfn tiwtlin ad:

Idrisn gisn ittyaran ass ad ar ittidrus
Mad ittqann d wawal d tguri ar tnt izzgaw
Ar ismkilil, yawz tanna as ifrghn tdr

Mayad ar t ittini umdyaz acku ar izrr tirra gant tamasayt tamqqrant; nttnti as ira ad isku agadir n tussna Tamazight; mayann af d iqqan ad ig wwad idusn; ad izzdr I ijawan n uzmz d taksniwin n tudrt:

Wanna ighzan i ugadir ns, icuwr as, isdus
As tighawsiwin ur as issugwr wad ad ti rdln

Ismd ar issutur gh wanna izuzdn ad ittara tamdyazt :

Yan rad ittara, yini tamdyazt yuf ad ghrn
Zzrin isaffn ns, irms isqqal n umarg ngh

Mayad af immagh umgrud gh tadla yad ns att idfur, ar izmmzlay gr tguriwin, ar isiggil s tad immimn ilgwaghn ittwattasn ul n imghri, tsnfassi tasa ns, taguri izddign ighwznn, ar nttghal is nennurzm kra n umawal aqbur, ngh kra n wawssar n zik ad-t yuran, mac mklli s dusnt tguriwin ns as fawnt, ar mmalnt iznzrn n ils amazigh d iwaliwn ns ddrnin lli f isur gh kigan n tmdyazin am agzzum ad lligh inna:

Agayyu gh ignna
Gdn idrrn gh uld
Ar nttllm izakarn
Gh imi n ufunas
Ar ngrru tubbicin
Drnt tiwllay
Ar nakka I willi ccanin
Jjiwnn
Ad dagh ccin

Amawal n tawchkint ittut s kigan n tguriwin n umadl n tzgzut am:
skrn tigwzday d igwlifn, ccn udi d ibawn
Gh igwnan isaffn, drun argan d tkid nk
Tanna illan ndrutt; ngwdl-tt gh tagant

Ttimat n tawchkint:
Amawal azgza lli s ttyara tuwckint ar immal mas-d amdyaz innukma gh tudrt d tidt ns irzgn, ar isiggil ad as irwl, immuddu izug ar d yaf agad lli rad as yaru tidt tamaynut, isku amadl azgza igan win tayri d tagwmatt:

Ar agh d iktti yikhf, ira iyi yan uzmz
Ghar ad trzmt taggurt, tannit ajddig
D tibi fsan, idl sis udm n wakal, igrd
Ufulki ngr middn, nkrz I yan rad ikrz
nmgr, nsrut adwal d tiwizi d iwiz
amarg, azwan d umiy, awal ila atig

Gn akw middn yan s usram, nmun nfjjij

Mac mayad ur igi amr tawwargit, tamdint n aflatn, add ukan iduy umdyaz ngh, isyyafa atrs as iqqazn gh ul, ikti-d iggammi ad ittu walli as ijdrn ul :
Ar rmmigh ad staygh
Mac ur rad ttugh
Yan ijdrn ul

Wwad as ijdrn ul ur iga ghas yan, ad iga d ungi ibbi aman f igran, aylligh rufan ar isswa win wiyyd fad ad bughlun:

Max aylligh ar nggin
Ighbula ngh
S igwmmadn ann
Ur swin igran ngh

Igran ad ur gin amr win wawal d tussna Tamazight lli f ikka ungi isngiri t d waman/tarwa s ibadn ns d tkrkas, isttu asn ixfawn nnsn d tmagit nnsn, gin ifghuln jjun ur izdrn ad smaqqln ya tklit gh ikhfawn nsn ,mmagh n izmaz ggutninad ilin wiyyad gh umras nsn ;nghubun ntni , afudn tqqar tussna nsn d tghrma nsn :
issngi irkan
D tujjutn imi
Gan ulus
I wanlliwn
Lli hra d inkrn

Ssidrn tikrkas
Idrarn n ibadn
Iswingimn n lz
Tamagit af ittut umdyaz ngh, ar iskar astt gh wawal; imcd gh iskkiln fad ad ig anazr I willi ranin ad qqarnt tguriwin gh idmarn ns, issnfl tutlayt ns s uglulu:
Ittyara flla
Uglulu ils inu iga annur
Takna, afna n imkkasan
Da i izrran
S izri aknnad

Tamagit igh tmun d ungi, ras-tt dfarnt akw tghawsiwin izln, tayri rad tzug ar-tt isggil umdyaz ar gis issutur, ar as ittini qim ghuri, tagwmatt ur-tt sul issn yan, rad nn tili gh tardast n wakal, ilh asmdl ns: a tagwmatt ttumdl,asmdl yaggug, gin middn imudar n tagant ar ictta yan nnsn yan :

Ad agh igan tagat
Ku yan iqqan d ixf ns
Ad ka iktur ahlig ns
Yan ira lz, ilkm t

Macc mqqar illa ungi n tkrkas igutnt tillas rad-d yack yan wass yali d itri n tidt, turri-d tayri, gin middn middn:
Yali d itri
Amud n tidt
ilh izran
Agad indara

Tamggarut:
tawckint n agad n tidt tga tirmit mqqurn n umdyaz tayib amgrud, taguri idusn d wammak idran ad igan tamatart ns. imikk ad idrusn lli fllas ittyaran ur igum fad ad nssisfiw mad akw illan gh wasa ns. ur nwatts amr ad inigh i imghri issn atig n uskkil d tguri d wawal izln: had yan imcd n tammnt hrat skrnt tizzwa n umdyaz ngh tayib, mmdit, ad ak yimim yadfut.

Mohamed Elferkhssi
Revenir en haut Aller en bas
elfarkhssi



Messages : 1
Date d'inscription : 18/01/2009

MessageSujet: Re: tazrawt n mohamed elferkhssi f "agad n tidt"   Lun 26 Jan - 11:29

tanmirt asalmad ngh mas zalhud tgit amzwaru lli irurn f mad urigh f tawchkint n umdyaz amgrud ark snimirgh f iwaliwn mmimnin d tulghitin hlanin lli turit f udris d tawckint.awttas n kaygat yan gitngh igat ad tbughlu tawssna tamazight tut s izuran tssufgh ayyawn tlkm afa n ignwan tkf tujjutin s tyafut ns immimn.mac iqqand ad nssgmi tasutin ngh f tayri n uskkil ,nsslmdasn amhas n tguriwin nkfasn aghanib ad tkksn tighudiwin, tamasayt tmqqur agwa izday ,mac rad tali tafukt yan wass.tanmirt
Revenir en haut Aller en bas
 
tazrawt n mohamed elferkhssi f "agad n tidt"
Voir le sujet prcdent Voir le sujet suivant Revenir en haut 
Page 1 sur 1
 Sujets similaires
-
» [2999] Liste "old school v7" mais en v8.
» colorant "vgtal" maison
» flash "CANON 430EX II" , dans quelle condition ?????
» Ble 2010 Lange & Heyne " Heinrich der Erlauchte"
» POT mgaphone pour rod "CHROME ultra brillant"

Permission de ce forum:Vous ne pouvez pas rpondre aux sujets dans ce forum
art amazigh :: Culture et Patrimoine Amazigh :: Posie-
Sauter vers: