art amazigh


 
AccueilAccueil  PortailPortail  S'enregistrerS'enregistrer  ConnexionConnexion  

Partagez | 
 

 asffazzay :

Voir le sujet précédent Voir le sujet suivant Aller en bas 
AuteurMessage
amgroud



Messages : 22
Date d'inscription : 18/11/2008
Localisation : tanezruft n yakuch

MessageSujet: asffazzay :   Jeu 26 Mar - 10:07

agayyu gh ignna idârrn gh tallaght
inna ak yut nn ignna s tukkimt
iga nn inxar ns gh ignna msln alln
ur akkw issuggi mnid ns ur t annin
ighal ixf ns is yugr kullu middn
iggut usfazzi i middn mad ka ran
ma mu di ttsutuln iggammi ad t inin
ku yan inna gigh ugrgh inna ak issn
mad ur issn wayyadh ahhint nnagh
nga sin nmmagh nzî ar nsnuful
yan ur inni amar ad annin wiss sin
iku ghar igh nmmaggar nmayassan
rad ilin ijnwiyn rad ili isuliln
yan ira a ingh wayyâd ahhint nenufl
agherda d umucc nugr tn gh imaghn
nkkin ufegh wwann wwad a yufn wwann
nkki gigh kyyi ur tgit nkki ssngh k
wwad iga amdyaz wwad ur as akkw issn
wwad ulghn t mddn wwad ur akkw ssinen
ku yan inna ak yugr wwann gh ifaddn

ahh inu nga gar nga tarwa n ilf
ghar nga nn cala mnid ad ka ttghawalgh
ur ra nn ngrawl nzr d illi nra a nlkm
mdin igdîyan kigan n tkrrayt
i nkki d kyyin ajjat agh tamunt
ad ur nttluzzu alluzzu ka agh ikkisn
izrfan winnagh yuda gh isnufuln

azul
ar snimirgh istma d aytma ,imdyazn ,timdyazin,wanna ibiksn ar ikkrz,ar nn iggr amud n tmazight gh idęrfan n ifrawn,ad d ghaman ddrn,acku aynna ur ittyaran idda,arayat ka ,wanna issnen i kra yara t,sgudiyat igudiyen,ard attuyn ar gisn nstay ,hann urta gin ma gh ar nstay.
ar kkatgh tamlda yad,ad allegh imi nu s yan ubrih,ikka d dar imddukkal imazighn gh kaygatt tasga gh lmghrib,ran ad mmiggirn,ran ad skűn yat tmsmunt n id bab n tirra s tmazight,ayt iffus ,ayt wammass,ayt izzelmd,d ayt iffus-iming(sud_est),ar ttbrrahn mas rad yili yan unmuqqar ,ran ad nnan imazighn ,id bab n tirra ,tannayin nnsn,mad ran,man akud ran ,d mani s ran ad gis mmiggirn,awttas axatar,iga t ad tlal kra n tmsmunt n imaratn n lmghrib s tmazight,willi ittaran s tmazight
tanmirt nnun bahra
fejjijat tâmzm afus ngratun
Revenir en haut Aller en bas
itrinit
Modérateur
Modérateur


Messages : 441
Date d'inscription : 18/05/2008
Localisation : Agadir

MessageSujet: Re: asffazzay :   Jeu 26 Mar - 15:30

tanmirt a gma amgroud f tamdiyazt nk d f iwaliwn nk.

ur sengh a gma matta khtad agh ijran, ar kullu nssighwid imgrad, nbid f tfenza, ar nsillif s tukkimt an sers nut ignna.
kra igat yan gitengh isergha talqendilt ns, igawr sers, issutl asd ifassen,
aygan amrun, lligh ann issighzif tinfurin arn itSwad ad isekhsi tin umddakwl ns.
hulgh
thult
nhul akw,
urd negh s waDu llid inkern,
urd ngh s temjiwjt llid nsenkr s uncud.
ighen nnigh huffffff i mad iyyid ihadan, innad herhelllluuuuuffffff d ghen ttan. ur sul sfawgh agharas, urt isfaw, ula nujja walli yad yumzn agharas imun d ukabar.
wa urd akw ighd nsmun tilqendilin negh gh uzemz ad urn kkisent yat, izd adelli ighd dis nsmun hufff herhelluf.
llan lprojectorat dar lguman ur akw sengh menck les watt as ayreqqa lehram ann, awind lqqut n lkablat ad agh ihfed rbbi, wa yan lprojector a gma ra kullu sers ifaw uduwwar negh.
sul ur gisen lhsatt, ighk khessan ifalan, finaktn, isfiw helli.
ar siggiln aghar mad kkerfn
ar agh ttasn s lkablat, ssackind 2000 watt gh mnid n waln negh aylligh nbukd, ur sul nesn mani nra, ula mani mmunga, ngabl sul aghar negra tengh, ad ak sekhsigh talqendilt urta iyyi tsekhsit tinu.
agharas ighezzif, iga kullu igwDiyan, igh ur nga afus gh ufus, ur sar nelkem man.
gat afus gh ufus, tmunm gh ugharas,
asiyyi, assighkin, ard ukan nelkem
iqqand ad nelkem.
Revenir en haut Aller en bas
amgroud



Messages : 22
Date d'inscription : 18/11/2008
Localisation : tanezruft n yakuch

MessageSujet: tghwzant a gwma itrinit   Jeu 26 Mar - 20:17

[tanmirt a gwma,hann awal nk idra ,macc ma ra yâmz afqqir ard yîsmîd uskkif
ur tgit win tkrkas a ssi itrinit,ar iyi issutul ugayyu yad lli dari illan kigan d usggwas ayad,ar nn ittaggwa s umzruy,ar ittskkal ad nn yaggw s imal,macc mad izrrâ ur illi.
illa ma gh nigh irwas ized ghik ad ad gan ayt tmazirt ad,ingha tn uberrâni,ingha tn imzdi,swan tnt f walli ur igin u darsn,ad ka ur ig u darsn ,wanna ra ig ig.
is akkw nnan willi agh d ghid ifln"ahyyâd n udwwar ur ar issehdâr" ,mqqar yuf uhyyâd n udwwar walli d niwi gh tmyaggugt yattuy watig nna s t id niwi ,ad t ka ur yawi u darengh
ahh ukan matta ghik ad nga ,ar nkkat ,ar nssufugh arda nssufugh gh dar idârrn ngh,ur ann ttkksnt tyyitin ngh walu,igh nssufgh nut nn addjar,nghedd ghar ifullusn ngh gh wandaru,willi s d iqqan ad n inn nut,nujja tn,ar tn nttakwi,awd nttni ar agh ttajjan ar ikkat kra kra,ard nfrari ,ackn d gn agh gh usgrs ssakwin agh s wallagh n wasif,awa nemmagh dagh managu rad d helli neghli,ad d ukan dagh neghli,nemmagh nit dagh ghikelli...
is nnigh ghar mradd is nettaf masa nkkat,iku nagh nn akkw arwass,imikk n tcnbit agha d tkccm imikk n tifawt ,nserrh as nn abluz ,ad tqqn babas ukan.
hann nmyar tillas,nmyar ad agh glin willi ur igin nkkwni,acku ur nzdâr ad nn nakwi "tugr jedda jeddak",mqqar tuj jedda d jeddak isett jeddas n wwinn yadhen,macc ma ra d ak islla.
ini awa mradd is nn nbbi kra,mradd ized nkkwni a mu llant tsura n ddunit gh ifassn,iku yuti ma idęrn ma ibiddn,ur d akkw lligh nn ur nbbi yat
awa ad mmaghen mddn ad ukan ,ad biksn ,gin afus gh ufus hann darngh,d u darengh ad d ittagurn
tanmirt nk asalmad ngh itrinit
tzrît mad agh tskr kana d istt mas
Revenir en haut Aller en bas
Contenu sponsorisé




MessageSujet: Re: asffazzay :   Aujourd'hui ŕ 19:51

Revenir en haut Aller en bas
 
asffazzay :
Voir le sujet précédent Voir le sujet suivant Revenir en haut 
Page 1 sur 1

Permission de ce forum:Vous ne pouvez pas répondre aux sujets dans ce forum
art amazigh :: Culture et Patrimoine Amazigh :: Poésie-
Sauter vers: