art amazigh

Site consacré à l'art amazigh, à la culture des berbères, aux coutumes des imazighen et traditions des chleuh. Notre objectif est de contribuer à faire connaître sur le web notre culture tamazight.
 
AccueilAccueil  PortailPortail  S'enregistrerS'enregistrer  ConnexionConnexion  

Partagez | 
 

 IWALIWN DDERNIN

Aller en bas 
AuteurMessage
Aza Taziri
Admin
Admin
avatar

Messages : 182
Date d'inscription : 21/12/2008
Localisation : agadir

MessageSujet: IWALIWN DDERNIN   Mar 17 Nov - 16:42

Citation :

Zalhud a ecrit:
Azul ultma Massa Azanaf agadir
Tanmmirt f iwaliwn ad ddrnin!

Righ igh illa mad yufan adtn ismun fadd ad ur nttals i hilli yad nenna!
Tanmmirt
Ayyuz nm.


iwaliwn ddernin

i mass zalhud d kullu mad igan interessé:

1- lhêbaqq ur jju ttalgh ixef ns
2- aydi adêrdûr igh izêra idân ar t tafan ar ittagh
3- izwar d uswingem awal
4- igh d ingi wasif ur issen turtit n ttâlb.
5- iqqes ighirdem icc iglgiz takurayt
6- yan ibbi ulgwmâd ar-t issiwid iziker
7- yan innan trxa temghra yagwm as ed aman
8- yan yut ufus nes ad ur yalla .
9- ad-st iqqen rebbi f yan as igan yan imi
10- yan innan tkwrem tgwella ig en afus ns
11- ur issn ma illan gh wawlek amr yan srs ittuten
12- aghwnja ur ad ittagwm gh wayyâd
13- akiyyaw nna d inkern gh taffa ur-a iskerkuz
14- ur illa mad dar ixwecn useklu nes
15- tabbayt n iglgiz ad ur ilan asafar imma tin ulegwmâd lmut d lhînt
16- ibriyen d idrimen ur munen
17- bikks tuggas ad ur tilit tuggas
18- Tumzîn ad ittàbar yan ur-d agharas
19- ur-d ametcu ad iceqqan iraran ad iceqqan
20- af ibedâ rebbi ixefawen ad ur tmaggaren
21- afullus nger tgwemma ur ira mani
22- aynna d yiwi umadir awin tn waman
23- igh rad tutt aydi thêccemt gh bab ns
24- azêru n tmazirt a sa ibennu yan
25- yan uzêru n tmazirt yuf miyya n wasif
26- yan rad isker lxir isker-t gh yan-t ur issnn, imma yan-t issnn arttâl kayan.
27- gar afecku ur a irzzâ
28- tighzi n zzman akk-id issekwnan a yaghanim
29- yan itterkazen ur a ihêbbu udem ns
30- ura ssiwiden iraggwen taseksut
31- yan irzemn i tmghart ur as immal tigmmi n babas
32- igh tt ur yufa umucc ar ittini tjjwa
33- yan ilsan aqccab n wiyyâd, ur akw ilsi yat.
34- zwarn d idûlan tamghart
35- irgazen agha iskar yan làwin ns
36- ml iyi mad tmunt melgh ak mad tgit
37- kkes as gwemas ayyismîd
38- nexxl aydi taft rrâht
39- yan ur iqqenn imi nes iqqenn tid imi ns
40- ur nn gis tgit abla sûd a l3wwad .
41- ar idssâ isgni gh tallunt.
42- kraygat tighrsi ttyagal s udâr ns.
43- aram ura izêrra tayyu ns.
44- afus imyaren ayqqway ura yakka .
45- tufa tglzzimt afus ns.
46- imi nek as meqqar teqqent urd imi n tegmmi nk.
47- ur ukan trxi tazzit ass tt iqqen yan.
48- tssgutt aman i ughu nk.
49- qqen imi nek ard mmaghen midden s tgwlla terzêmt-t.
50- ur tessent mennawt tumzîn ay yuma ssâà.
51- ar addern midden wiyyâd ar yadder u3ttâtr aghyul ns.
52- ssugd tn a rbbi ad njmgh.
53- igh ggutn lm3llmin ar ittfragh ughrab.
54- ikka d baba ssuqq ar as tkkis immi laxbar.
55- ar tkkat aghyul tizwirt-t.
56- azerg ura izzâd ikrkisn.
57- a wer ttfurt iziker ard tlekmt aghyul.
58- tamtnt igguten ar tssbzag l3jin.
59- ura tsdâr tfullust gh gr middn.
60- ufnt tuxsin tixsi.
61- tuf talli isdln talli isdêrn.
62- tqqn tgccult issihêl rbbi izan.
63- sghl tardazt tgwnt gh nnês nnês.
64- yan ssâbb ur tid urur meyya n miss miss.
65- igh illa uzllif ar as kullu kggun middn.
66- yugl as iqqejder gh uxsay.
67- ar tssufust ard fllak ttadun.
68- yan isrwaten ififl teqqan t id tinzi.
69- igh ur ta bbint as mqqar tnt igwna yan.
70- izwar lhêqq s imi nm a tazzwit.
71- ur yufi flillis mat-t ittagln yagl ixf ns.
72- ur sul yufi yan a ytthdâr d ughyul ns.
73- irkan aykccemn ngr tfyyi d iskr.
74- ghwa nn ighli tikîda.
75- inna ighrdm i tawwugt yuft war ixf.
76- imikk s imikk as a ikccem uram agdur.
77- ghwa nn iga zund igha t DDalabt uday aykcm s tmzgid.
78- mlas mlas igh yugi txxat as.
79- nnigh izd afud ayyusin ahêlig zzigh d ahêlig a yusin afud
80- ad ak ur ijlu rbbi imi uqccab.
81- ghwa nn iga zund acttâb ufullus adû nna d ka yuckan yawit.
82- aydi n ger tgwmma ur a icetta ixsan n tgmmi nsn
83- ar yalla uccen maxx ays nnan ad tkssat ulli.
84- imttâwn n tghwznt lli iccan tarwa ns.
85- wanna innan tga thruyt taddriwct iqqn tnt gh dar ikrwan.
86- turu tirgit ighd.
87- igh ira aghrum ar yaddr afarnu.
88- ad ur t mind-t ljir timlli ka yann.
89- yan issudan aghanim inas bsâhêtk ayyis ayann.
90- tammnt n imi mla gis isafaren ullwan ur sar ittadên yan tasa ns.
91- ixlêd lHrir d tadûtt ma iyi tn yattûn.
92- wanna icttan ura isawal.
93- ar ittekkis rriyy i igdâd.
94- ussan n lhêma agha izeddem yan i tgrst.
95- smd aman smd aggwrn.
96- suff ka, rbbi ad ittmaghen.
97- isûd ka wadû gh imzgan ns .
98- ut uzzal magh-d ihêma.
99- yiwi d akkw udm ma nn issntl ul.
100- aynna d yiwi umadir awinten waman




had yat la liste ghila, illa su dari kra yaDn, mayad smunght gh net.
Revenir en haut Aller en bas
http://www.tirrawal.canalblog.com
itrinit
Modérateur
Modérateur
avatar

Messages : 441
Date d'inscription : 18/05/2008
Localisation : Agadir

MessageSujet: Re: IWALIWN DDERNIN   Mar 17 Nov - 17:31

merci merci

mradd is izdar kray gat yan gitngh ad ismun 100 proverbes, wahli wahli

bravo bravo
Revenir en haut Aller en bas
Invité
Invité



MessageSujet: Re: IWALIWN DDERNIN   Ven 27 Nov - 0:21

Wink


Dernière édition par Zalhoud le Lun 5 Sep - 2:35, édité 1 fois
Revenir en haut Aller en bas
dalinanir



Messages : 22
Date d'inscription : 30/08/2009
Localisation : agadir

MessageSujet: Awsaɣ n sgadda tasna yad   Ven 27 Nov - 10:21

Nnan willi zrinin

Graygat Tafaska ar aɣ nqqan ilqqa3n..
thank TANMMIRT
Revenir en haut Aller en bas
http://taghazout.biz
Contenu sponsorisé




MessageSujet: Re: IWALIWN DDERNIN   

Revenir en haut Aller en bas
 
IWALIWN DDERNIN
Revenir en haut 
Page 1 sur 1

Permission de ce forum:Vous ne pouvez pas répondre aux sujets dans ce forum
art amazigh :: Culture et Patrimoine Amazigh :: proverbe amazigh-
Sauter vers: