art amazigh


 
AccueilAccueil  PortailPortail  S'enregistrerS'enregistrer  ConnexionConnexion  

Partagez | 
 

 ZUND AGGU ( Tarezzift i gwma ITRINIT )

Voir le sujet précédent Voir le sujet suivant Aller en bas 
AuteurMessage
Invité
Invité



MessageSujet: ZUND AGGU ( Tarezzift i gwma ITRINIT )   Sam 12 Déc - 20:12

ZUND AGGU


Tarezzift i gwma ITRINIT



Tafrawt yat kad dari
Urd snat ad semghigh
Zuzdegh ad ffarrigh
Uyelgh dergh gh uknari

Ur rwasgh afullus
N ger tifullusin
Ur ssengh adermus
Ad gegh bu tallasin

Ur ssatunegh ameddakwl
Krad ka izerin felli yakwl
Sghawsagh abaw d ufraw
Meqqar gigh war anaw

Igh yad ufigh tiremt
Tecku yi gis tumert
Terzag iyi tudert
Taghamt inu tighermt

Immi gigh amagus
Ittuten s gar tazzit
Utec is gan amasus
Issus ufus tummit

Tiddet inu tega amersal
Aggu nes win unesal
Midden ran ikerkas
Tuslight gh umerkas

Yan dar adrim llan
Yan dar anneli ar allan
Amezlud d usenbaghur
Rad akkw gin asaghur

Ha tifert ha asuru
Ha tuzunt ha asaru
Ha may semghi w akal
Ha may semghi w awal

All sers mmagh d ugdud
Afgan a gar amud
Ur sar tenghit akud
Sar ak irmi wafud

Ah inu gigh tasalt
Gh tamurt tanafalt
Zund tufdilt gh ufellun
Wiyyad is uten allun


Farid Mohamed Zalhoud tajdigt merci
Revenir en haut Aller en bas
Invité
Invité



MessageSujet: Re: ZUND AGGU ( Tarezzift i gwma ITRINIT )   Lun 14 Déc - 1:38

Azul Timazighin
Azul Imazighen

Ahh inu gigh slagh nekk ar nekkat awal
Igh ten yad nedza niriten i kiwan att icc
Nega tazzwit wullah ar akkw annigh izan
Imi nw ad karan ahh inu skrn iy iraran

Ahh negh mamit nnigh lli s tenna tmghart n uderdur!

Zalhoud Sleep Sleep Sleep
Revenir en haut Aller en bas
Aza Taziri
Admin
Admin


Messages : 182
Date d'inscription : 21/12/2008
Localisation : agadir

MessageSujet: ayyuz i mass Zalhud   Lun 14 Déc - 2:03

Zalhoud a écrit:
ZUND AGGU


Tarezzift i gwma ITRINIT



Tafrawt yat kad dari
Urd snat ad semghigh
Zuzdegh ad ffarrigh
Uyelgh dergh gh uknari

Ur rwasgh afullus
N ger tifullusin
Ur ssengh adermus
Ad gegh bu tallasin

Ur ssatunegh ameddakwl
Krad ka izerin felli yakwl
Sghawsagh abaw d ufraw
Meqqar gigh war anaw

Igh yad ufigh tiremt
Tecku yi gis tumert
Terzag iyi tudert
Taghamt inu tighermt

Immi gigh amagus
Ittuten s gar tazzit
Utec is gan amasus
Issus ufus tummit

Tiddet inu tega amersal
Aggu nes win unesal
Midden ran ikerkas
Tuslight gh umerkas

Yan dar adrim llan
Yan dar anneli ar allan
Amezlud d usenbaghur
Rad akkw gin asaghur

Ha tifert ha asuru
Ha tuzunt ha asaru
Ha may semghi w akal
Ha may semghi w awal

All sers mmagh d ugdud
Afgan a gar amud
Ur sar tenghit akud
Sar ak irmi wafud

Ah inu gigh tasalt
Gh tamurt tanafalt
Zund tufdilt gh ufellun
Wiyyad is uten allun





Azul mass Zalhud,
Ayyuz nk f tmdyazt ad ilan atig
tfk tujjut d ifrawn iklan zund ajddig
awal immimn igan aslal izddig
talalayt ns ula aZawan ns izga irggig
nmalan izlan ns zund ifalan gh ifggig
Ayyuuuuuuuuuuuuuuuuuuuuuuuuz...

macc llant kra tguriwin gh tmdyazt ad nk ur tnt ugwzgh, mami tnt ttinim?
tiguriwin ann gan t mkad:
- adermus?
- tuslight?
- umerkas?
- tasalt?
- tufdilt?

tanmirt nk a mass.
ujjigh ak afulki d lhna.
Revenir en haut Aller en bas
http://www.tirrawal.canalblog.com
tinurgh



Messages : 50
Date d'inscription : 15/11/2008
Localisation : ibudraren

MessageSujet: Re: ZUND AGGU ( Tarezzift i gwma ITRINIT )   Lun 14 Déc - 14:36

azul zalhoud
tanmirt f tamdyazt isusmn irghud i itrinit respect
numer urangh issihl yat ira sul nhouch
nla rich nga igdad irasul nffari
akn ur issihl wattan nskr yad gh wawal asafar
...
tanmirt nk aayouz ayouz
tanmirt amdyaz ngh
merci tajdigt
Revenir en haut Aller en bas
Invité
Invité



MessageSujet: Re: ZUND AGGU ( Tarezzift i gwma ITRINIT )   Mar 15 Déc - 21:53

Azul itsma Azanaf agadir d Tinurgh

Tanemmirt attas attas f iwaliwen nnunt!
Ar kwent ssimghuregh!

Ultam Azanaf agadir tra gigi anamk n tigurwin ad:

Adermus: awal gh ur illi umaya,aferfur(paroles oiseuses,insignifiantes)

Amerkas: tiyni lli immerksen lli ur immimen lli igan ccic,lli cettan inelmaden gh timzgid,iqqayen ur ginin yat,gar tiyni);dattes en vrac et de mauvaise qualité

Tufdilt: yan w anaw n ughrum ar tin teggan gh ufellun gin as asrgwl gh iggi,tekkas d takat izdar gh inkan d ufella n usergwl

Tuslight: yan w awnaw n tiyni bahra ilwwaghen tega taseggant ar ttin tteggan gh ilm nw aghad zund ayddid negh tagccult gnunett tselgh.

Tasalt: gigh tasalt;ur gigi ifri umaya,dari tugett n timukrisin,ur gigh yat,nnughcefgh,ilkem iyi gigan n unezgum,ttghwigh;ur swigh tazalimt.....

Tanemmirt Ar tayyad
gwmatunt zalhoud tajdigt tajdigt merci merci
Revenir en haut Aller en bas
Contenu sponsorisé




MessageSujet: Re: ZUND AGGU ( Tarezzift i gwma ITRINIT )   Aujourd'hui à 14:43

Revenir en haut Aller en bas
 
ZUND AGGU ( Tarezzift i gwma ITRINIT )
Voir le sujet précédent Voir le sujet suivant Revenir en haut 
Page 1 sur 1

Permission de ce forum:Vous ne pouvez pas répondre aux sujets dans ce forum
art amazigh :: Culture et Patrimoine Amazigh :: Poésie-
Sauter vers: