art amazigh


 
AccueilAccueil  PortailPortail  S'enregistrerS'enregistrer  ConnexionConnexion  

Partagez | 
 

 tafsut n imaziùen di tmedyazt taqbaylit

Voir le sujet précédent Voir le sujet suivant Aller en bas 
AuteurMessage
hamid



Messages : 12
Date d'inscription : 10/06/2009

MessageSujet: tafsut n imaziùen di tmedyazt taqbaylit   Mar 30 Mar - 12:16

Kra n tmuɣliwin ɣef tafsut n tmanyin

30 issagassen zrin ɣef tafsut imaziɣen i d‑yeḍren deg yibrir 1980. Tidyanin‑agi, d nitnti i d‑yerẓan asalu i tnekriwin i d‑yeḍren sin akkin di tmurt n Lẓẓayer am tmesbaniyin n tuber 1988 neɣ tafsut tebrkent n 2001. Deg akken tacriḥt n wagdud tettwaccelleh, ul yellan d aḥnin yenguga i lhem i d‑ineɣlen fell‑as ansi ur d‑tyurǧa yiwen. Ixel lqerḥ ɣer usirem, yeddukel yimeṭṭi akked d usfilet ɣer wussan ara d yawwin kra ubedel deg liḥala n tmurt. Deg akken medden ggunin ayen is ara d glun‑t tadyanin‑nni, yuɣal ass n 20 yibrir d yiwet n tsseddart ɣef ttbdadden kra n wid yuggin neqma naɣ kennu zdat uzeglu n lbaṭel. Deg akken asirem is id yegla 20 yibrir meqqer, yuɣal wassen dazemul n yimenɣi. Maɛlum ihi , wid yesnen azal n tmena ad innin kra ɣef ayen yeḍran di tagnit‑nni. Amek i d‑ tella tamuɣli n imedyazen n teqbaylit ɣer tamslat‑agi i d yellan d lsas akken tamaziɣt ad as id yuɣel umdiq‑is di tmurt‑is?
Di lǧera n tenekra n yinelmaden n lwed Aɛissi, tamuɣli tnuda asirem. Am win yettraǧǧun aggur n lɛid, imedyazen n teqbaylit wallan d akken d win i d‑abrid ara s‑id yerran azal i tutlayt akked d yidles Amaziɣ s umata. Aya yettbaned deg yisefra imezwura i d ‑yudren tadyant‑agi. Yenna umedyaz:
Ul ma yella yenguga
Tḥus ṣṣura
Tikli‑nneɣ terwi leɛqul
Qqaren‑as d acu‑t waya
Ur fhimen ara
Anwi d lebɣi i nettmuqul
D taqbaylit id yeḥyen ass‑a
Seg iẓuren tegma
A yitbir ffk‑as azul

Lunis s lǧih‑as iḥulfa s wayen akken yeḍran d lfal i wayen i d iteddun. Agdud umu rran xemsa ɣef yimmi yukki‑d, izuraz n tugdi iten yeqnen nedqen, ur yelli w acu ara yegzmen abrid zdat n tikli n weɣref ɣer timunent‑ines. Imaren ikeblen tabɣest qarsen, lawan ajdi ileḥqed. Yenna:

Iṣud‑d ubeḥri
Si ccerq id yekka
Lexbar id yewwi
Yeḍwed timura
Yewwḍed wass‑nni
Nettraǧu s tufra
D nuba‑k freḥ

Illuled tmaɛ d ameqren yerran i lebɣi lebɣi nniḍen. Ttnefxa trenu afud i tisas. Tallit kan lqed yeknan yuɣal yezdi, agdud yerfed s uqerru id as am wakken yenna Aɛmer Kubbi:

Ɣer defir s tiɣratin
ɣer zdat s terṣasin
Ferḥem‑t a tiqbaylin
Arrac‑agi ad tt‑id awwin

Gar wid i‑ yecnan s tuget ɣef 20 Yibrir 1980 mebɣir cekk d Matub Lounes. Anwa ur nesli naɣ ur d nettmektay tizli‑is, yesrusun rehba akked lxiq deg ulawen, yesudumen imeṭṭawen deg wallen” yeḥṣen lwad aɛissi”? Deg tizlit ‑agi, yecna s wurif akked rehba, isuk Lwenas tamuɣli ɣef wamek tedda d wamek teḍra tadyant yesengugen tamurt n leqbayel si rrif alama d riif. Zun akken d asaru id yesbeded zdat n wallen akken ad wallin‑t lbaṭel yemɣen deg zenqen n Tizi Wezzu, yenna Matoub:

Yeḥẓen lwad aɛissi
Mi yebda imenɣi
Yewweḍ‑iten lɛesker deg yiḍ
Tudder slan‑t irekeli
Subben‑‑‑t ɣer Tizi
Yal abrid ad yettffeggiḍ
Ur telli d tiselbi
Ɣiwlet a lɣaci
Uqbel aɣ ḥaren ɣer lḥid

Yuɣal usefru d innigi ɣef txasarin i ‑iḥuzen aɣref. Deg akken iɣmisen n yimir ttwakablen ur zmiren i lmenṭaq, tuɣal tira n tmedyazt d netta‑t i d yettmalen i yemdanen ayen yeḍren d wayen yefren. Deg udem n tmuɣli‑agi, yenna umedyaz:

Lεesker mačči d izli
Zin‑d d tirni
Wwin‑d ula d iqejan
Redyu yettesmiri
Aḍu yettawi
Yewwi lekdeb i medden
Ma d tidet yiwen ur yeẓri
Anida teɣli
Anwi lebḥer i tt‑yeččan

Maɛna tadyent ur telli ara kkan d ‑isuɣan naɣ d asuter n izerfen . Yella wayen yugaren aya . Ɣer tnekra yezdew diɣ lhem ,yeḍlaq icuḍad‑is ɣef yemdanen. Yuɣal yimeṭṭi akked d lxuf yemeɣ ɣef ludyat yetti ɣef udrar. Leḥbus ččuren! I tiyta i d‑yeɣlin, lemri n wayen yellan iquzzem cwal s cwal, tuddar rekmen‑t uyzagen‑t s ddemar akked d uɣlif. Isalen i d‑yettewḍẹn d‑iriten. Matoub yecna‑d ɣef aya:

Si Skikda iten id cegɛen
Ttcabin s ilfan
D ttirebɛ ɣer Tizi a leḥun
Ɣer times ur nesɛi duxan
Isufa uẓan
Mi d ṣṣuben at Wagenun

Ɣef anct‑a yenna umedyaz si tama nniḍen:

Arbaɛ di lḥẹbs i ‑ yegra
Ma d wayeḍ yenfa
Ǧǧăn adrar la yettru
Lɣaci ur susmen ara
Fɣen‑d yak meṛa
Bɣan ad rẓen azeglu
Ẓret ass‑agi nella
Ur nemṭil ara
A nerreẓ wella a neknu

Maɛni ulac ayen i d‑ yettesen s wulac. Win yebɣan taḥbult tewwid ad yerrez timalalin. Akken qqaren leqbayel: “ bedd ad tewwiḍ qqim ulac”. D anamak ‑agi i6yesenɛet Ferḥat netta si lǧiha‑sdeg tizlit‑is nnif d lḥeṛma:


Nnif d lḥẹrma
D ayen yeḍren
Di tefsut‑a di Tizi Wezzu
KKren‑d ilmeẓyen
D telmeẓyin
Fɣen s iberden
Ala ttsuɣun
Nekni a nerreẓ wela a neknu
S yidmaren nqubel uzal
Wella a neǧǧ di lḥerma‑nneɣ
Nerẓa asalu
Iberden ‑a
Ssufuɣen yak ɣer tilleli

Win yebɣen leɛli tewwid kan ad yissin amek ara yesriffeg. Aḥnunef dew tilli ma aṭas ad yeǧg udem mellul ad yecbu win werǧin yeẓra iṭij. Win iḥamlen rebg du leqrar ad ‑as yenneḍ. Tafat xas ma drus tezmer ad tesken abrid i win yettnadin abrid. Yenna diɣ Ferḥat:

Tafsut n Tizi Wezzu
A lufan nneɣ ur negzim
Yemla‑yaɣ‑d amek a neddu
Deg ubrid n tegrawliwin
S lqela n ljehd, s tezmert n wawal, at wawal zerɛen tabɣest deg ul n wagdu yellan yeduri amendil n tugdi. Seg akken cergen aɛjar n wer awali, seg akken gezmen igeḍman n wer aḥẹrek, adrar yezwi adfel yessen fell‑as. Targit n umedyaz truḥ amzun teffeɣ. Timeqwa n nnif mi d‑neɣlen‑t labuda kra ad yenulfu. Ɣer Lunis Ait Menguellet, mmi‑s n wadrar yettegem‑d lɛaz seg lihba n udrar i t‑id yeskren:
Amcahu
Ɣef udar asmi di yerra ṣṣut
lhiba‑s tewwed‑d s araw‑is
S yidmaren i ttqabalen lmut
Seɛrqen i uɛdaw later‑is
Weṣṣen si zik
Ɣef temɛict n dew uḍar
Akken aneggeru ad yer ttar!
Ait Slimane Hamid
Revenir en haut Aller en bas
 
tafsut n imaziùen di tmedyazt taqbaylit
Voir le sujet précédent Voir le sujet suivant Revenir en haut 
Page 1 sur 1

Permission de ce forum:Vous ne pouvez pas répondre aux sujets dans ce forum
art amazigh :: Culture et Patrimoine Amazigh :: Littérature/Linguistique-
Sauter vers: