art amazigh


 
AccueilAccueil  PortailPortail  S'enregistrerS'enregistrer  ConnexionConnexion  

Partagez | 
 

 Nssn sul mad ssntln itran s ils n Fatima Moutaoukil... "Tagziwin n itran"

Voir le sujet précédent Voir le sujet suivant Aller en bas 
AuteurMessage
Aza Taziri
Admin
Admin


Messages : 182
Date d'inscription : 21/12/2008
Localisation : agadir

MessageSujet: Nssn sul mad ssntln itran s ils n Fatima Moutaoukil... "Tagziwin n itran"   Ven 25 Juin - 2:17

Nssn sul mad ssntln itran s ils n Fatima Moutaoukil
"Tagziwin n itran"




Arwass i iswingimn i ttinin : tamghart twayskar slid i tgmmi!
taDuri i wawal i ttinin tawtmt ur tZDar i usnflul! Ukuf i iZuRan n tkrkas izdin tamghart d isnwi d warraw!
Asa n ismDal i wanaw ann n isasan ikrfn anlli i kra n middn!

had ultmatngh Fatima Moutaoukil ittwayssann s Tanirt gr tiyyaD tfka tugga f ma mi tZDar tawtmt Tamazight gh usays n usnflul d ubaraz n iswingimn d igr n tirra, ha tt id tusi d acnyal ns n tmdyazt mqqurn, tffgh d s usrir, ar tsillif s izlan ns immimn lli tsmun g warra ns amzwaru, tssfagh t id s uzwl n “tagziwin n itran”.

Tawckint n “tagziwin n itran” lli d tssufgh massa Fatima, tga yan ugadir yattuyn ixatrn gh ibrgmmi n tskla ngh, acku tamdyazt ngh Fatima tga zg wanaw n imsnfluln issnn ad ttllmn ifalan n wawal ar zTTan idd n tguriwin ad gin tigDifin n izlan yaDfutn izggrn iZuran, ar d nn utn s iZuran gh wasa n iman, smdudin agwns n tiswin.

Tagharast n tirra n massa Fatima tga tamaynut tatrart, tswa d gh tussna n umaDal d tskla n tutlayin yaDn slawan akkw tafransist acku tddr nn gh fransa, ur tbbi d iZuran n tussna ns, tsti ad tara arra ns izwarn s ils n tmagit ns tinttit, tfk s mk ann timitar n ma mi tzDar tmazight ad tini n iswingimn idran, d mani tlkm tawtmt gh taghult n usnflul.

Tamdyazt n massa Fatima ar k inn tlddi s tamimt n tguriwin, s tgharast ns ur nmyar gh uzTTa n iwlafn, s isyafatn ns lli dis nttidir s izlan ns.

Adlis ad iga wis kkuZ gh usays n tmdyazt gh tsga n sus DaRat n “iludi” d “aZawan uRmmaD” d “tamda n izgh lli d akkw ffaghnin tagara ad, tsmunt gh 60 n tasna, s yan waddal iZiln ibrbcn s itran ismrghan mklli nit smrghant titratin n tmdyazin gh ugwns n wawlk n warra ns, timdyazin ad igan simrawt d smmust (25) gh uTTun nnsnt tga yasnt s ismawn:

Tarragt n twurga
Aghiluf n udrar
Aqqayn n izuZuDn
Man tudrt ?
Ifil
Atrs nusi t
Aggu d trufin ns
Tisit n iDgam
Kmmin yusin amaDal
Iskwla n tguriwin
Tamazirt inu
Amarg
AgwmmaD ann yaDn
Izlallayn n usurf
Izlan n unZar
Talatin
Ass ann
Affa n usaggwm
Nkkin d tiggas inu
Aswingm anabay
Gr iyi dik
Inghlan
InsifaDn
Tudrt inu…tinm
Isttighn

Yiwi d fllas mass M.Oussous gh tzwart lli yas iga: “Tamdyazt n Fatima tga ilmma tisit n ul ns, tg agrD n tawtmt, tg tugga f waTTan n uzwag.

Tga tisit n tasa ns acku nzDar akkw ad nn ngwmi imghan d tuga d isnnann n iman ns zg tsatmt n izlan ns: armmaD ns, inzgumn ns, icrrign ns, inuraz ns, ingaZn ns, ijiwjiwn ns ilsan addal yaDfutn idran immukrsn!
Tga agrD n tawtmt acku tamdyazt ns tusi taghlaghalt n twargiwin n tawtmt tamazight, tarfufnt ns, amarg ns i tlelli d tdrfit d trZi n iskraf lli mi sul ttbndaqn imnayn n tgwccal n trrugza yuffn s waDu n ikrkas izrin irkukan, willi sul mi dln isasan n zik tawngimt ggammin ad frkn i tafukt n tghrma mani tlkm gh ughrab!

Tga tugga f uzwag acku talalit n warra-ad iga nit talalit n tskla n ayt uzwag, willi istin nghd isti tn umuddu, zugn asin disn gh ulawn nnsn tussna nnsn d tayri n tmazirt nnsn d iZuran nnsn, willi d issmghin gh ils nnsn ijddign, ssgmun gis igwlifn mad tn issumumn gn tn d uslal n tirra nna rad yall atig, tg uddur i tussna nnsn, acku massa Fatima mqqar nn taggug f tmazirt s udghar, mqqar tt isghar uSmmiD n Bariz, ar trqqa s tguriwin n ils ns ilan aDu n uzuknni, taZ d bahra s ul ns lli ikkatn s udinan n tmagit ns, acku tizi lli tzug, trba dis akkw akal ns d tujjut ns, d tmqqa n unZar ns d ighwman n taylgi ns d umdlfaw ns d tsgni ibrbcn s itran gh tillas ns, itran lli s tzDar ad agh d tsslkm tabrat nnsn acku ar disn ttnyilkim s ul ns n umdyaz iZrran aylli ur iZrra kuyan!.”

Afad ad tmDim tamimt n tguri dar ultma tngh taxatart Fatima Moutaoukil stigh awn tamdyazt ad ilan s ism “izlan n unZar” zgh udis n twckint ad ns tamaynut.

Izlan n unZar

kti d a yanZar
Izlan n tudrt
Ttirirt igh ar d teTTart
F igwzman n idrarn
Lli yagh d sul ighaman
Timqqit s tmqqit
As ar tslayt iskkiln
N twngimin
Iyi igudin f ul
Tsghust agwmmay
IZZln f ighd ikrmn
Inighi n yat twargit
IsfuruDn f tifrt
Timqqit s tmqqit
As swant tguriwin
taguDi n ifssi
Arant f udm nk
Aflujju n irafan
Timqqit s tmqqit
As ar nqqan
gh umaDal ad
Ulawn n imdyazn
Imurig n inirn
Gin tarula
Ng aggu
Aghanib
gh ufus n wiyyaD
Ssngfn tamdyazt
War taghwrit
I urtum n uhiyyaD…

Revenir en haut Aller en bas
http://www.tirrawal.canalblog.com
Invité
Invité



MessageSujet: S tumrt !!!   Ven 25 Juin - 18:08

Azul

S tumrt umzgh anghmis adlsan n tlalit n tadla n tmdyazin n ultma tamdyazt tamqrant Fatima Moutawkil lli ittassann s Tanirt."Tagziwin n itran",tawckint n tmdyazin llid yiwin yan w atig ismdn i taskla tamazight izlin s tmghart tamazight.Ayyuz nm a Tanirt.Tanmmirt Aza
Tudrt i taskla ngh ha yat tazrart n taghwrit mqqar as us ssngh:
Tudrt i tutlayt ngh
Tudrt i tmgharin timazighin timaratin tatrarin!
Gwmatunt Zalhoud
PS:ha yat tazrart n taghwrit mqqar as us ssngh:
Youyouyouyouyouyouyouyouyouyouyouyouyouyouyouyouyou!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! tajdigt merci
Revenir en haut Aller en bas
tinurgh



Messages : 50
Date d'inscription : 15/11/2008
Localisation : ibudraren

MessageSujet: Re: Nssn sul mad ssntln itran s ils n Fatima Moutaoukil... "Tagziwin n itran"   Ven 25 Juin - 20:46

azul fllawn
tanmirt nm aza f tguriiwn ad zaynin foulkin d mad tiwit f fatima 'tanirt" f mad izlin stadla nss n tmdyazin..
tanirt ayouz nm nsn mas tgit yat tmdyazin iziln d nql ukan adlli s mayad d ugar ight ian rbi ....iguut mas ira ilss awd ul at nna mach ichqa f idudan at aran achko iga koullo tumert d uzmumg
ad isugt bab n ignwan gh timgharin timazighn yussin siàr zund knimti
ayouz nm dagh d dagh ...tanmirt ak imad yiwsn gh tussna tamazight gh kiy gat tassga
tanmirt ayouz itmghart tamazight merci tajdigt
Revenir en haut Aller en bas
Aza Taziri
Admin
Admin


Messages : 182
Date d'inscription : 21/12/2008
Localisation : agadir

MessageSujet: Re: Nssn sul mad ssntln itran s ils n Fatima Moutaoukil... "Tagziwin n itran"   Ven 25 Juin - 20:54

Azul adlsan,
Gh umzwaru righ ad ssimghurgh ultma dari bahra i3zzan massa fatima "Tanirt", ar as ttinigh ayyuz nm xf tadla yad n tmdyazt iZiln, s tumrt idran as am urigh iskkiln n umagrad ad..ayyuz nm amour amour
d gh tsga yaDn ar ttinigh i ugdud n waggur ad mas d tawckint n ultma tngh massa fatima Moutaoukil tujad gh tsidlistin n ugadir d hann ur rad kwn tigwriz ight tghram acku mmimn bahra izlan ns Very Happy Very Happy Very Happy

N.B: ur ta RZmgh aggur ad ann sflidgh i tghlaghalt n kra n tghwrit!!!!
zzighd dark ad tkka a mass Zalhud! Surprised Surprised Surprised lol!

Ayyuuuuuuuuuuuuuuuuuuuuuuuz nnuuuuuuuuuuuuuuuuuuuuuuuuuuuuuuun tajdigt
Revenir en haut Aller en bas
http://www.tirrawal.canalblog.com
Tanirt
Admin
Admin


Messages : 737
Date d'inscription : 16/05/2008
Localisation : France

MessageSujet: Re: Nssn sul mad ssntln itran s ils n Fatima Moutaoukil... "Tagziwin n itran"   Sam 26 Juin - 22:24

Tanmirt mqqurn ultma Aza f umagrad ad macc iggut flli mayad a ultma!

Tanmmirt nnun bahra bahra Aza, Farid, Tinurgh f ussimghur ad d iwaliwn ad nnun zilnin s tmlda n tlalit n tadla nu "tagziwin n itran".
Iga iyyi addur mqqurn ad tili ghassad gr iffasen nnun tssusmu kn tghri ns tdrum di isyafatn inu lli nn gis fserh.

Iga iyyi addur mqqurn ad nnih TANMIRT irghan iflujjan imaratn d imdiazn neh mass Mohamed Oussous d massa Aziza Nafia f twwuri nsen iziln d tiwisi nsen mqqurn fad ad tlal twckint ad!! Irghud i tmazight neh s wanaw nsen!!

Mr & Mme Oussous, je tiens ici à vous rendre un vibrant hommage et une profonde reconnaissance pour vos formidables actions en faveur de Tamazight! Merci à vous! amour

Un grand merci à tous les membres de notre site art amazigh pour avoir toujours cru en moi et pour leurs encouragements qui m'ont beaucoup aidée à m'améliorer et à toujours essayer de donner le meilleur de moi-même! amour

C'est un honneur pour moi aujourd'hui, chers membres, de vous dédier à tous "tagziwin n itran" espérant qu'il sera à la hauteur de vos attentes! amour

Merci à TOUS! flower

Tanirt.
Revenir en haut Aller en bas
http://art-amazigh.discutforum.com
ijjanit*



Messages : 194
Date d'inscription : 28/09/2009

MessageSujet: Re: Nssn sul mad ssntln itran s ils n Fatima Moutaoukil... "Tagziwin n itran"   Dim 27 Juin - 0:00

azanaf agadir a écrit:
Nssn sul mad ssntln itran s ils n Fatima Moutaoukil
"Tagziwin n itran"



Ha yat tanatamt bahra ifulkin !!
Zi lligh nghwra tamdyazt tamzwarut n tanirt !nCnubbC s tiyyaD ns gr tfrawin n abaraz ad,yat ghid,yat ghinn.. naftent,ann ufigh mas ur igi i wnaw n’usnflul ,gh watig ad,d’uswir ad,d’uswingm ad,ad ukan iffenzzer !ig ka yat tasafut gh tizi n waDu, nZDar yan wassef adaghd yifiw nafttid yiwitt,ngh’tt issns,yili7tt yili7 tamatart ns amer gh tmktitin negh !!
Tanirt,gh 'aylli enn gwmigh gh tmdyazin ns,akwzghtinn gident s tirmit nu drusen,ur tgi yat tamdyazt da zwar ittlmadn ad ttara !
Gh tgira n tmdyazin ns,tirmit mqqurn,aswingm idran...nnigh iqqand is tlla kra n tadla ntmdyazin ns!
Sugglgh s tadla n tanirt ittyaran !ggammightt !ur umengh is ur tlla !
!!
Uhu,ur yadlli tlla !
Gh issigwra ilmma,Rad sul naf ad ng gr ifassen ngh, tagziwin itran !
Mklli tid ilkm imriri n umdlafaw ;aZawan n’urmmaD ,lalla tafukt !!
Ayyuz negh !ayyuz i tmaghart tamazight ,s tagziwin n itran !tawCkint n waddur,ndru’tt akkw didas !
Ayyyuuz,d’usnimmr mqqur’en i tanirt
D kra yiwsn gh tadla yad !
Gh iga gwmatengh ususs,
D azanaf !
merci
Revenir en haut Aller en bas
khadija arouhal



Messages : 56
Date d'inscription : 23/08/2009

MessageSujet: Re: Nssn sul mad ssntln itran s ils n Fatima Moutaoukil... "Tagziwin n itran"   Dim 27 Juin - 16:46

azul azanaf arkm bahra nsnimir f inghmisn zilnin lli yagh tawit tanmirt awd f twisi nm d imaratn
ayyuz i ultmatngh tanirt aras tinigh hakmin tukidd gr itran tawid asid n wayyur s tguri izddg ad ifaw igr n tskla tamazight
iml aswir n twtmt tamazight li mmu bdda gan aga f ighir hbuntt s waddal ginas iskraf ayyuz nm tawtmt ngh tusid isuraf dusnin merci merci merci merci
Revenir en haut Aller en bas
Mohamed Oussous



Messages : 50
Date d'inscription : 18/12/2008

MessageSujet: Re: Nssn sul mad ssntln itran s ils n Fatima Moutaoukil... "Tagziwin n itran"   Mer 30 Juin - 0:45

tanmmirt azanaf f ugwDif ad n tguriwin lli trzzft i yat tmdyazt mqqurn illan s uswingm idran d ul imqqurn d unlli ifawn innurZmn, yat gh titratin lli s ifaw wass ad ignna n tmdyazt tamazight, yat tnigit f tziDar n twtmt tamazight: massa tanirt, ad stt yajj ugllid mqqurn i tskla tamazight ad sul tfk uggar n mad tfka acku tmla d gh twckint ad ns is tzDar ad tg tagllidt n wawal immimn, is ar tllm tiwlafin n umarg tstahl tnt i iswingimn tskr asn tamghra taxatart, tg twckint anmuggar n islan d izlan d iklan... n tguri
ayyuz ns.
righ nit ad utgh tamlda ad ssimghurgh tutmin lli ijddrn s tmZla n tguri, tilli ikcmn taDDangiwin n usnflul gh tutmin, ad igutnt uggar!
Revenir en haut Aller en bas
Contenu sponsorisé




MessageSujet: Re: Nssn sul mad ssntln itran s ils n Fatima Moutaoukil... "Tagziwin n itran"   Aujourd'hui à 10:35

Revenir en haut Aller en bas
 
Nssn sul mad ssntln itran s ils n Fatima Moutaoukil... "Tagziwin n itran"
Voir le sujet précédent Voir le sujet suivant Revenir en haut 
Page 1 sur 1
 Sujets similaires
-
» huile hydraulique b 614
» Stabat mater de Jean Luc Herbulot
» L'extraordinaire histoire de Fatima Monsour de Joanne & Gerry DRYANSKY
» Fatima Serin
» [Dryansky, Joanne et Gerry] L'extraordinaire histoire de Fatima Monsour

Permission de ce forum:Vous ne pouvez pas répondre aux sujets dans ce forum
art amazigh :: Culture et Patrimoine Amazigh :: Poésie-
Sauter vers: