art amazigh


 
AccueilAccueil  PortailPortail  S'enregistrerS'enregistrer  ConnexionConnexion  

Partagez | 
 

 AYAD ALAHYAN isslkm tamdyazt i” Wis sa ignwan”

Voir le sujet précédent Voir le sujet suivant Aller en bas 
AuteurMessage
Aza Taziri
Admin
Admin


Messages : 182
Date d'inscription : 21/12/2008
Localisation : agadir

MessageSujet: AYAD ALAHYAN isslkm tamdyazt i” Wis sa ignwan”   Mar 29 Juin - 21:40



Iffgh d ussan ad gguranin warra amzwaru n mass AYAD ALAHYAN mi isti s ism:
wis sa ignwan. Arra ad iga tawckint n tmdyazin imZZiyn ifssusn I tghri.
tZli tmdyazt n mass AYAD ALAHYAN s kkuZt tghawsiwin:
1- tutlayt ns ifssusn, d tguriwin lli d ittagwm gh isaffn n tudrt n kuyass lli nmyar, ar ilmma rZZmnt tiggura nnsnt I usakwz n walli yaqqran bla kra n tmmara.
2- Tagharst ns lli s isnay iwlafn n tmdyazin, issimim tnt i imghri, ismun gisnt gr iwaliwn iwngimn d wid isawaln f tghawsiwin n tilawt islay ufus.
3- Tamawayt n tmdyazin ns lli iSka s yan udm sis Izlin, ar t inn icckcum I usrir n tinayt mqqar t inn bahra ur issaggug f taysi d tmyurt.
4- Amnru amzwaru d umggaru lli f tsutul tmdyazt n AYAD ALAHYAN, ad t igan d twtmt lli d ittaggwan gh izlan ns s mnnaw udmawn, tls mnnawt tmitar d tfras. Azwl lli isti i twckint ar agh yad issurriy s umiy n hmmu unamir d tayri ns i tanirt mklli nit immal waddal n warra.
Yiwi d mass Oussous f twckint ad yini: “mass 3yyad isti abrid ns gh tmdyazt, ar agh iskar tayyughin n tayri gh tmdwin n tasa, irZ itabutn, ikks i tgurrma n wawal addal, iml agh udm lli gis nenttl, walli ira kuyan gh trgwsa n iD, ar as ittrwal gh tifawt uzal !
timdyazin n mass oyyad gant taghrrabut lli agh ittasin gh ill n twargiwin tirumansiyin, zmzrnt agh f uluss d waDDangiwn n taDfi d tSDfi n iZula, wid irddln adrar, rZn aghulid n isyafatn !
timdyazin ns gant inrfl igwmmrn tiguriwin n ku ass s usnSi n usmmaqql d tukDt n umTTay immimn, ar agh iskar gh wawal lli nmyar taslit, issngf tt i tayri, iskr agh gh tiZZa n tudrt ifalan n idd mas ngnnu tiswin ircan ur immDin tayri d tiZilt !”.
tawckint n mass alhyan gis 16 n tmdyazt ittyaran s uskkil alatin d win tfinagh ifsrn gh 60 n tasna, tffgh d gh ugadir s twisi n tmsmunt n iZuran n Bellfa3.

Mass alhyan iga aslmad n tutlayt tafransist, ighra gh lmastr izwarn n tmazight, art t ittawi gh ufran d tskla d tussnils, iskr mnnawt tzrawin gh isuyas ad yaws gh mnnaw inmuqqar n tzelgha n imaratn “Tirra”.
Ig usktur n udlis ad mkad:

wis sa ignwan
mrad is
ini iyi
tafdayddut
ajj iyi ad am inigh
ajda3 izug
manza km inn
nkkin d kmmin
ini tgit
gh tghazut n wul nnm
mmutgh ad zuggh f ukrum nnm
zrigh nn gigm
wakwak
righ ad am skrgh
is d is ur tssnt
is d ur ta jju

stigh awn tamdyazt ad ilan s ism “ini iyi” zgh tawckint ad iZiln afad ad tmDim taZilt n tguri d isyafatn dar amara ngh mass Ayad Alhyan:


ini iyi
is d is iyi d iqqan
ad nn mDlgh timktit nnm
gh iglagaln n tillas?

ini iyi
is d is iyi d iqqan
ad sfrurigh tawlaft nnm
tg ighd, yawi tt waDu
ar ignwan n urwass?

ini iyi
is d ad ghmugh tasa
s tguDiwin ar kigh ar tsirksis
tssmghi gh wul tifrZiZin?

ini iyi
is d kmmin tqqurt
aylligh tsghrt ilaln
tssnghdt ighulidn
lligh ur trit ad iyi tllilt?
Revenir en haut Aller en bas
http://www.tirrawal.canalblog.com
tililan3li



Messages : 16
Date d'inscription : 24/06/2010
Localisation : france

MessageSujet: azul   Mar 29 Juin - 23:20

ayouze n azanaf s dingh iacharkn tamdiazet ad gh iss woul tamstayet ighudan ayad tanmirte tsusmagh bahra
Revenir en haut Aller en bas
http://www.bensif-63.skyrock.com
Invité
Invité



MessageSujet: Re: AYAD ALAHYAN isslkm tamdyazt i” Wis sa ignwan”   Mer 30 Juin - 1:18

Azul Aza
Tanmmirt
Tmadyazt n tayri;tamdyazt ittyaran s urin n ul d isyafatn ns;Nizar Qebbani ngh Ayad Alahyan!
Ayyuz ns
Issusm udlis amaynu ad!
Tanmmirt
Gwmatun zalhoud tajdigt merci
Revenir en haut Aller en bas
Aza Taziri
Admin
Admin


Messages : 182
Date d'inscription : 21/12/2008
Localisation : agadir

MessageSujet: Re: AYAD ALAHYAN isslkm tamdyazt i” Wis sa ignwan”   Jeu 1 Juil - 19:25

Azul tililan3li
Azul mass Zalhud
Tanmirt nnun aTTas
Tamdyazt n mass Ayyad Alhyan, tmmim bahra, tga tin tayri d isyafatn mmimnin ....
Adlis ns yujad gh tisdlisin... ur rad kwn tigwriz tighri ns
Ayyuz ns.... ayyuuuuuuuuuuuz
thank thank thank thank thank thank thank thank thank thank
Revenir en haut Aller en bas
http://www.tirrawal.canalblog.com
Contenu sponsorisé




MessageSujet: Re: AYAD ALAHYAN isslkm tamdyazt i” Wis sa ignwan”   Aujourd'hui à 21:12

Revenir en haut Aller en bas
 
AYAD ALAHYAN isslkm tamdyazt i” Wis sa ignwan”
Voir le sujet précédent Voir le sujet suivant Revenir en haut 
Page 1 sur 1
 Sujets similaires
-
» 28ème à Sidi Aïch en 1961

Permission de ce forum:Vous ne pouvez pas répondre aux sujets dans ce forum
art amazigh :: Culture et Patrimoine Amazigh :: Poésie-
Sauter vers: