art amazigh


 
AccueilAccueil  PortailPortail  S'enregistrerS'enregistrer  ConnexionConnexion  

Partagez | 
 

 TUDRT TAMGHLULT ( Tarzzift i gwma Mohamed Oussous )

Voir le sujet précédent Voir le sujet suivant Aller en bas 
AuteurMessage
Invité
Invité



MessageSujet: TUDRT TAMGHLULT ( Tarzzift i gwma Mohamed Oussous )   Mar 17 Aoû - 4:23

TUDRT TAMGHLULT


Tarzzift i gwma Mohamed Oussous




Tawltimt n uggrn n uznbu n tutlayt
Izlm n tiyni ittayagaln gh talayat
Izlan issfra nw awal aghrfan
Ugmim n ughbalu izuzwan gh irafan
I laz nk d irifi nk ay anaw inu

Adghar n tdrfiyt ignna stara tn
Imikk n tifrt urar nk ara tn
Tizzla n uzur inna uqbur f tudrt
Frk tzzrit ussan nk a gwma gh tumrt
I laz nk d irifi nk ay anaw inu

Tiwlkin ad ugln middn f iraman
Akwrn akwln ayln drn ar aman
Tudak a gwma taghamt nk asnflul
Slagh nttat ad gikk iskrn amghlul
I laz nk d irifi nk ay anaw inu

Maxx yafud Rimbaud d Baudelaire tirra gant
Timitar n tudrt ann tamghlult
Tlult ay Oussous tddrt gh tirra tsult
Afgan igh ur suln aywal n tagant
I laz nk d irifi nk ay anaw inu


Farid Mohamed Zalhoud
Tafraout ass n 17 /08 / 2010
tajdigt merci
Revenir en haut Aller en bas
Mohamed ouagrar



Messages : 158
Date d'inscription : 11/06/2008

MessageSujet: Re: TUDRT TAMGHLULT ( Tarzzift i gwma Mohamed Oussous )   Mar 17 Aoû - 5:54

Azul dda zalhoud,

Rann taft Oussouss ghilad ar ukan Sleep isxurriyyyyyyyyy !

Awa tamdyazt illan d ixf ns ayad a ssi moh ! Tg anaw n tmdyazin lli g ik ur myaregh,
kiyyi lli issenn tirra s tgharast taqburt , hak id ar ttarat s tgharast tamaynut (mqqar yad ak yad gherigh yan mnnawt gh uswir ad !)

L'étérnité : ya ar ttili gh dar imaratn mqqurnin zund wida tbdert (Rimbaut d Baudelaire..),acku ar d qqazn iswingimn nsn gh wallagh n malxf nsn , jdern s is ixfan nsn , ssun s isn iman n middn...afûdn bla luqt !!!!

Ayyyz nk a gwma .. bravo merci flower

Revenir en haut Aller en bas
Invité
Invité



MessageSujet: Re: TUDRT TAMGHLULT ( Tarzzift i gwma Mohamed Oussous )   Mar 17 Aoû - 6:30

Azul Mohamed ouagrar
Awal nk iga atig iw umdyaz d tmdyazt
Hann yan igh imdyazn imghluln ad tgit ghd kyyin zund rimbaud d baudelaire n Oussous d wiyyad
ark ssimghurgh
Hti rad ddugh ghd nekkin ad gngh macc ur ar sxurrugh!!!hihihihi!!!
tanmmirt
gwmak zalhoud mort de rire tajdigt merci
Revenir en haut Aller en bas
Mohamed Oussous



Messages : 50
Date d'inscription : 18/12/2008

MessageSujet: Re: TUDRT TAMGHLULT ( Tarzzift i gwma Mohamed Oussous )   Mar 17 Aoû - 19:01

azul mass zalhud
ar k bahra snimirgh a gwma f trzzift nk lli dari yufn tirzzaf akkw n umaDal, macc a gwma ha nn tssimghurt iyi bahra dagh, anaw n Rimbaud iggut dagh flla! ar k ssimghurgh awd nkki zuZDgh ad k inn afn iwaliwn ad gh tugt n tumrt d ubughlu n tudrt.
ayyuz nk tanmmirt aysar (nnbi) gh imdyazn bab n tguri ittaylaln gh urtan n wawal. iblis ann n izlan irwas iyi ur kwn yujji ad tgnm kiyyi ula mass wagrar, nkki smmgwrigh as d ussan ad, ig iyi ghar isbuxrurn d isxurruyn! hhhhhhhh
Revenir en haut Aller en bas
Invité
Invité



MessageSujet: Re: TUDRT TAMGHLULT ( Tarzzift i gwma Mohamed Oussous )   Mar 17 Aoû - 22:23

Azul Mohamed
Maxx mad bahra iga Rimbaud?
Hati iska iga afransis tgt kyyin Amazigh !
manigh d tsmgriwt i iblis n tmdyazt add gis nsmgriw nkkin d mass ouagrar?hihihihih!!!
Is ak yudd uzum a Mohamed;nkkin hann ghassad iska swigh yna ugmim n uzkkif asighd nit tawckint n Abdellah Elmannani sughlgh gis yat tmdyazt bahra iziln s tutlayt tafransist hati rad stt azngh s ghid d oasis des artistes!!
Tanmmirt f wiwliwn nk zilnin lanin atig ganin wayyad i umdyaz!!!
Ar tayyad!!!Ann ur ttmatalt a gwma!!!
Zzul f Aza iâzzan d tbrzzuyt ann igan Tunaruz!!!Ad falkin ussan nnun a gwma!!!
Gwmak Zalhoud anggwi n rimbaud!!hihihihi!!!
tajdigt merci
Revenir en haut Aller en bas
Contenu sponsorisé




MessageSujet: Re: TUDRT TAMGHLULT ( Tarzzift i gwma Mohamed Oussous )   Aujourd'hui à 10:35

Revenir en haut Aller en bas
 
TUDRT TAMGHLULT ( Tarzzift i gwma Mohamed Oussous )
Voir le sujet précédent Voir le sujet suivant Revenir en haut 
Page 1 sur 1
 Sujets similaires
-
» MOHAMED KARIM
» Mohamed se présente.
» Mohamed Ali fête ses 70 ans !
» Mohamed Merah
» Mohamed Choukri

Permission de ce forum:Vous ne pouvez pas répondre aux sujets dans ce forum
art amazigh :: Culture et Patrimoine Amazigh :: Poésie-
Sauter vers: